Rèz

Artécol in dialèt arzân

Reggio nell'EmiliaRèz

L'inizio del corso della Ghiara, con l'obelisco, a Reggio EmiliaAl cminsépi dal cōrs ed la Gêra, cûn la Gólia, a Rèz.

ProvinciaPruvînciaPruvénziaPruvèinsa

provincia di Reggio nell'Emiliaed Rèz

AbitantiAbitântAbitàntAbitànt

(dicembre 2013dicèmber dal 2013)

172 525

SuperficieMetradûraEstensiånEstensiòun

(745 ab/km²)

231,56km²

AltitudineAltèsaAltazzaAltèssa

58m

Pref.tel. / CAPPrefés e côdisPreféss e côdgPreféss e còdiṡ

0522 / 42121-42124

Cod.ISTAT/catastoCod.ISTAT/catâstCod. ISTAT/catâstCod.ISTAT/catàst

035033 / H223

CoordinatePuṣisiòunPuṡiziånPusisiòun

44°41′51″N, 10°37′49″E

Nome abitantiNòm di abitàntNuminâja

ReggianiArzân

Santo patronoSânt prutetòurSant prutetåurSànt prutetór

(24 novembre24 ed novèmber)

San ProsperoSân Prôsper

FrazioniVéliFraziónFrasiòun

Vedere la lunga lista nel corpo della paginaa gh'n'é 'na lésta ch'an la finés pió, dê n'ucêda ché.

Comuni contiguiCmûni ṣvinântCmóṅni ataîṡCumùn tachèdi

(nord) Campegine, Cadelbosco di Sopra, Bagnolo in Piano, Correggio, (est) San Martino in Rio, Rubiera, (sud) Casalgrande, Scandiano, Albinea, Quattro Castella, (ovest) Bibbiano, Cavriago, Montecchio Emilia e Sant’Ilario d'Enza.(mezanôt) Campéşen, Cadelbôsch ed Sōver, Bagnōl in Piân, Curèz, (matèina) Sân Martèin, Rubēra, (mezdé) Caşalgrând, Scandiân, Albinèia, Quâter Castē, (sira) Bibiân, Queriêgh, Muntèc e Sânt'Ilâri.

Sito istituzionaleSît dla cmûnaSît dla cmóṅnaSit dal cumùn

www.comune.re.it

SindacoSéndechSénndicSéndech

(26/05/2019)

Luca Vecchi

Tel. comuneTel. cmónaTel. cmóṅnaTel. cumùn

0522-456111

Email comuneEmail cmónaPòsta eletrònica cmóṅnaEmail cumùn

comune.informa@municipio.re.it

Evoluzione demograficaCambiamèint dal nómer di abitânt int al tèimpCanbiamänt dal nómmer di abitànt int al tänpCambiamèint dal nómmer di abitànt in dal tèimp

(anno)(ân)(àn)

(abitanti)(abitânt)(abitànt)(abitànt)

1861

46 856

1871

50 955

1881

50 759

1901

58 993

1911

70 955

1921

82 011

1931

89 605

1936

93 913

1951

106 726

1961

116 445

1971

128 789

1981

130 376

1991

132 030

2001

141 877

2007

161 290

2011

168 885

Dati Nómer ed l'Nómmer dlNómmer ed l'ISTAT - grâfica dla Vichipêdia.- grâfica dla Vichipêdia

Rèz (Reggio nell'Emilia in italiân) l'é 'na sitê ed 172.886 abitânt, e cèinter pió impurtânt dla pruvîncia cun al 'stés nôm. L’é a cavâl ‘d la Via Emélia tr’al Sècia e l’Èinsa, a méza via tra Pèrma e Mòdna.

L'é famōsa pr'èser la sitê in dô l'é nê al Triculôr Italiân e pr' al só Teâter Municipêl. La zôna comunêla l'é tóta in pianûra, sistemêda ind la Pianûra Padâna, e l'é traversêda dal turèint Cróstel. La sitê la cgnós un avméint stabîl ch’al riguêrda sia l’andamèint ed la popolasiòun sia la sitê 'stèsa a fêres da i prém dal XX secól al dé d’incô.

Al strêdi principêli, oltre la Via Emélia ch’l' atravêrsa da matèina a sîra, a gh'é l’ Avtostrêda dal Sōl ch’la cór pêra a la Via Emélia, la Statêla 63 che al’albasèin la và vêrs Mântva, a mezdé la và vêrs La Spésia, po’ ghé la SS467 vêrs Sasōl, la SS468 vêrs Curèz in diresiòun ed Chèrp.

Piâsa grânda a Rèz, al cōr 'd la sitê cûn na mâsa ed monumèint.

Al Dôm ed Rèz in piâsa grânda

Al municépi ed Rèz

Un pô de stória

Guerda anch la vos Stôria ed Rèz e dla só pruvîncia: l'antichitê fîn a i Român.

Ai tèimp di rumân l'ēra ciamêda Regium Lepidi, al nôm al deṣvin da còl ed Marco Emilio Lepido (cônsol 187 a.C.) cól ch'l'à fât la sitê e la via ch'la dà al nôm a la regiòun dal dé d'incô.
Dôp la cunquésta longobêrda (VI sec. d.C.) e pó ind al tèimp dal Medioêv, la sitê l'à tôt al nôm ed Rèz ed Lumbardìa. Ste nôm ché l'armâgn cól uficêl per tót al tèimp dal Duchêt ed Mòdna e Rèz, fîn al'uniòun di Teritôri Estèins al Règn ed Sardègna ind al 1859 (l'ân ed quând l'é stê inventê al nôm dal dé d'incô). Rèz dal vôlti l'é ciamêda "Sitê dal Triculôr" dôp ed la préma vésta dla bandêra in sitê (ind al téimp dl'occupasiòun Napoleònica).

La sitê l'é stêda municépi rumân. Cun la rèiṣa dl'Impêr Rumân la sitê l'é stêda quêsi abandunêda. Dvintêda pôst veschvêl, ind al tèimp dal medioêv l'è stê ûn cmun léber, ma cun dal guêri civîli al d'ed dèinter in continvasiòun, che j àn purtê al cambiamèint in sgnuría sót a j Este, e dôp a Duchê; in sté peréiod la sitê la tôt al nôm ed Rèz ed Lûmbardìa, al nôm al gh'à al sô urégin ind l'Êlt Medioêv, e gh'é dal prôvi in bundânsa, fîn al mumèint dal só scanslamèint dôp al guêri dal 1859.

Int al XIX sècol Rèz l'à tôt pêrta a la Repóblica Ciṣalpèina e a la Repóblica Cispadâna. L'é stêda pò unîda, dôp 'na parénteṣi sót a la faméja reéla d’Austria-Este, al Règn ed Sardègna.

Int al XX sècol, dôp la Secónda Guèra mundiêla, Rèz l'é stêda gvernêda da 'na magiurânsa ónica dal Partî Comunésta Italiân e, da j ân Nuvânta, da l'unióun dl'Ulîv.

I tétol d’unōr

Réz l'é tr'al sitê italiâni decorêdi al Valôr Militêr per la Guèra ed Liberasiòun, gh'é sté dê la Mdaja d'Ôr al Valôr Militêr pr'al sacrifési dla só gînta e per l'ativitê fâta ind la lôta partigiâna al tèimp dla secònda guèra mundièla e al 1 d'avrîl dal 1950, l'è stêda decorêda cun al segvèint mutîv:[1]

«

Durante l’occupazione nemica opponeva al tedesco invasore la fiera resistenza dei suoi figli, accorsi in gran numero nelle formazioni partigiane impegnate in dura e sanguinosa lotta. Cinquecento caduti in combattimento, interi comuni distrutti, popolazioni seviziate e sottoposte al più spietato terrore, deportazioni in massa, stragi inumane e crudeli persecuzioni, costituiscono il bilancio tragico, ma luminoso, dì un’attività perseverante e coraggiosa iniziata nel settembre 1943 e conclusa con la disfatta delle forze d’occupazione. Memore di nobili secolari tradizioni, riaffermate nell’epopea del Risorgimento, la Città di Reggio Emilia ha saputo degnamente concludere un rinnovato ciclo di lotte per la libertà e per l’indipendenza ed offrire alla Patria generoso tributo di sacrificio e di sangue.»

(Settembre 1943 - aprile 1945)

Al palâs dal capitân dal pôpol in piâsa dal mûnt

Cunuméia

A Rèz gh’é ‘na robósta zôna cun tânti fâbrichi che lavûren ind la mecànica, ónica ind dal sô géner e un impurtânt nōmer d’aziêndi cooperatîvi in diferèint câmp. L' agricultûra e l'alevamèint j in flôra, préma ed tót l'alevamèint di nimêl (Fêra Internasionêla dal Nimêl), la lavurasiòun dal lât e la produsiòun dal furmâj (Grâna) e la coltûra dla frûta e dla verdûra.

Al fâbrichi j in ed grandèsa céca o mzâna e lavûren in diferèint câmp. In môd particulêr j in svilupêdi ind al câmp dla mecànica, dal mâchini avtomâtichi, dla cerâmica (Casalgrând e Castlarân) e ind la tesdûra (masmamèint in pruvîncia).

In pruvîcia as câten dal indóstri ed la purtêda ed Ferrarini, Veroni, Smeg, Landini e Lombardini sōl per numinêr al pió grôsi. In pió a gh' é un móc 'd imprèişi ed gèner coperatîv, ânca lōr dimòndi impurtânti cme Coopsette, Coopservice, Unieco e la centrêla 'd òna dal pió grôsi coperatîvi d'Itâlia la Coop Consumatori Nordest.

La disocupasiòun l’é ridòta (grêd ed disocupasiòun atâch al 3,5%); préma ed tót cóst al fà arivêr, da la Bâs’ Itâlia e dal’èster, di lavuradōr furastêr vêrs la sitê e vêrs la pruvîncia. Secónd a j ûltem contróll statéstich la sitê l’è ai prém pôst a livèll nasionêl per lavuradōr furastêr presèint in zôna.
L’intrêda dal stipéndi mzân l’é piotôst êlt grâsia a‘na disocupasiòun che in sustânsa l’an gh’è mìa, la pruvîncia l’a’s mètt despèss ai prém pôst ind la gradvatôria dla qualitê dl’ andamèint dla véta, secónd soquânt famôs giurnêl la sitê l’è sèimper tr’al prémi 10 sitê italiâni.

I savōr ed Rèz

La tradisiòun dla bòuna cuṣèina arzâna, scèta e naturêla, l'a's câta ânca in dimòndi ristorânt e tratoréi in dōv l'è pusébil gustêr di bòun magnêr purtê avânti d’in pêder in fiôl. I prodòt prinsipêl deṣvînen da la tèra e dal bèsti, per còst a's pêrla ed “cuṣèina pôvra”. A's trâta ed savour fôrt nasû da la necesitê ed rimediêr a la mancânsa ed còl ch'égh va més chêr e delichê. Prèma tra tót la fujêda, fâta cun la farèina, j-ôv di cuntadèin, ‘na canèla rubósta e… dal mân cun al calôr gióst. Al caplèt in brôd l'è al rè dal mnèstri, mó s’in câta ânch cunsê in môd divêrs. Tót i piât, da i pió famous ai pió stimê, în insavûri e cumpagnê cun al parmsân, ch'al só urègin as fân indrê ai tèimp di Gaj. Per chi an savess mìa, l'è un furmâj a pâsta dûra, mèz grâs, côt, a lèinta stagiunadûra, cun dimòndi sustânsi bòuni, al vîn fât ind i casê in manera artigianêla. Ind i secònd piât i cmânden al chêrn ed nimêl (a Rèz tót j-ân a gh'è la Fêra Internasionêl dal Nimêl). A tèvla a catòm al carèl dal lès cun sampèt, cudghîn, sampòun, ecc.., in sèma al bânch di salumêr la vaschèta di grasōl, salâm e persót. Al turésta ch'al vîn a Rèz e al vôl fêr brènda a's égh pōl cunsiliêr 'na specialitê tóta arzâna: al scarpasòun. As trâta 'd'n'impâst, côt al fouren, cun spinâs o bēdi, sigulôt, lêrd e parmsân, més tra dû fodêr ed pâsta sutîla e môrbida. Tra i vâri douls a gh'è: la spunghêda, e al bisòun, un douls cun al mandòrli, sócher, ôv frèsch, ch'al vîn preparê per Nadêl. La spunghêda uriginêla, ed Bresèl, lê adiritûra dal XV sécolo. Sèimper a Nadêl j arzân a prepêren i turtlèin, frèt o al fouren, cun dèinter al pést, o cun la marmêlata ed nôsi o ed castâgni. Finî ed magnér a’s cunsèlia ed gustêr la famôsa sópa inglèisa, sibèin al nòm al sia furastêr, l'è un dôls arzanèsim. Al vèin 'd la cusèina arzâna, che bèin a's acumpâgna al sô bâgni l'é al Lambrósch Arzân, ròs ch'al spóma naturêl, incô protèt da un mêrch D.O.C. Al Biânch de Scandiân, ed góst dôls e mèz sèch, l'é fât ind al tîpo ch'al spóma e al spumânt.

Al marchê in piâsa céca

Al cèinter stôric

Al cèinter stôric dal dé d'incô ed la sitê al gh'à 'na piânta cun 'na fourma geomètrica ed sê lê slunghêda, atraversê da la via Emélia, carateréstich dal sînch - setséint. I principél munumèint, d'ed là dal Teâter Municipêl, j în al basélichi ed San Prôsper e dla Beêda Vergin dla Gêra, al Dôm e soquant palâs.

In môd particulêr interesânt l'è al colegamèint tr'al piâsi. Al colegamèint tra la piâsa principêla, in dō gh'è al Dôm e al Municépi, ciamêda Piâsa grânda o Piâsa Prampulèin [2], cun Piâsa céca (Piâsa San Prôsper), in dō gh'è al marchê, al vîn fât cun 'na strêda a purtghêl ciamêda Via dal Brulèt. Piâsa Prampulèin l'a's colêga ânca cun Piâsa Casôt, che 'na vôlta l'êra la piâsa dal marchê dal pólghi (Pìasa di Savaj) cun n'êtra strêda a purtghêl. Da nutêr ânca Piâsa Fontanèis arfâta nōva da pôch cun d’atourna di pôrdegh. Ed valour ânca: la via Emélia c'la gh'à, da tóti al dô pêrt, di palâs d’architetura ed valour cun ind al mèz Piâsa dal Mount, l'antîgh cours davanti a la cēsa dla Madòna dla Gêra, ciamê Cours Garibeld, in dō 'na vôlta agh pasêva al Cróstel, desviê fôra dal mûr, in dō gh'è ânca al palâs duchêl (adèsa a gh'ân pôst la Provîncia e la Prefetûra). Impurtânt ânch i giardèin póblich, un pérch ed l’Otsèint cun stâtvi e funtâni méss sō ind la zôna dl'antîga sitadèla militêra.

Ind la sèla dal Setsèint dal Municèpi, ciamêda Sèla del Triculôr, al 7 de znêr dal 1797 l'è stê siēlt al prém triculôr dla Repóblica Cisalpèina, d'ed lé desvîn la bandêra dal dé d'incô dla Repóblica Italiâna.

Pôst impurtânt

Piâsi Piâsa grânda (adèsa Piâsa Prampulèini), ciamêda ânca piâsa dal dôm Piâsa céca ciamêda ânca Piâsa San Prôsper. Piâsa Fontanèis Piâsa di Teâter: (Piâsa d' Êrem, Piâsa 'dla Vitôria, Piâsa 'dla Libertê) Strêdi Via Emélia Côrs dla Gêra (adèsa Côrs Garibaldi) Strêdi Teâter Teâter Municipêl Teâter Ariôst Teâter Cavalerésa

Pôst religiòs Baṣélica 'dla Beâta Vērgin ed la Gêra Dôm Baṣélica ed San Prôsper Sant Agustèin San Pēder Uratôri dal Crêst Sinagôga Palâs Palâs Duchêl (adèsa Palâs dal Gvêren - Palâs Allende) Municépi Sêla dal Triculôr Palâs dal Capitàn dal Pôpol;

Muséj Cévic Muséj e Galeréi Galeréia Parmegiâni; Muséo dal Triculôr; Palâs Magnân (mòstri provisôri); Êter Mûri e pôrti sitadèini Pérch dal Pôpol Simitèri monumentêl fôra ed sitê Pûnt cun i tirânt ed Santiago Calatrava Tòr dal Burdèl

La zôna comunêla

La zôna comunêla l’è aministrêda da 8 circoscrisiòun, che unesén al j antîghi "Véli", oséja la divisiòun 'l a zôna ed campâgna cun al cèinter la cēṣa ed la parôchia. Al dé d’incô soquânti ed cósti j in stêdi unîdi a la sitê ch’la s’è slarghêda dôp la secònda guèra mundiêla , masmamèint: l’Uspési, Sânta Crōṣ, Sân Pelgrèin, San Prôsper Strinê, e tót o in pêrt al sô zôni a pôlem èsser cunsidrêdi cme di quartêr ed periferéia 'd la sitê.

Al Véli

• BagnoBâgn
• CadèLa Cadè
• CanaliI Canêl
• CastellazzoAl Castlâs
• CavazzoliI Cavasō

• CellaLa Sèla
• CodemondoCodmònd
• CovioloChiviôl
• FoglianoFujân
• GaidaLa Gàida

• GavassaGavâsa
• GavassetoGavasèj
• MancasaleMancaṣêl
• MarmiroloMarmirōl
• MasoneLa Maşòun

• MassenzaticoMasinsâdegh
• OspizioL’Uspési
• Pieve ModolenaLa Pēv
• PratofontanaPrêfuntana
• RivaltaRivêlta

• RoncadellaRuncadèla
• RoncocesiRunsêṣ
• SabbioneSabiòun
• San BartolomeoSân Bertlamè
• San MaurizioSân Mavrési

• San PellegrinoSân Pelgrèin
• San Prospero StrinatiSan Prôsper Strinê
• Santa CroceSânta Crōṣ
• SessoSès

Al circoscrisiòun

Circoscrisiòun I :	Cèinter Stôrich
Circoscrisiòun II :	Betônica - La Cadè - Carusòun - La Sèla - Gâida - La Pêv Mudlèina
Circoscrisiòun III :	Bainsésa - Casèin ed l'Arlòj - Còdmond - Fuschêt - Gatâj - Regîna Pacis - Runsèina - San Bartlamè
Circoscrisiòun IV :	Baragâla - La Canalèina - Chiviōl - Rivêlta - Sân Pelgrèin
Circoscrisiòun V :	Bûs dal Sgnōr - Canêl - al Dòu Maestê - Fujân - Rôsta Nōva
Circoscrisiòun VI :	Bâgn – Castlâs - Curtsèl - Gavasèj - Runcadèla - Sabiòun - Marmirôl - La Maşòun - L'Uspési - Sân Mavrési
Circoscrisiòun VII :	Gavâsa - Mancasêl - Masinsâdegh - Pistèli – Prêfuntana - Regiâni
Circoscrisiòun VIII :	I Cavasō - Gardènia - Runsês - Sân Prôsper Strinê - Séss

Istrusiòun

A Rèz gh’è presèint 'na centrêla e di dipartimèint ed dô universitê: l'Universitê ed Mòdna e Rèz e l'Universitê ed Bològna. La sitê l’è al cèintr ed la sperijnsa ciamêda Reggio Children pr’al prém cuntât cun la manêra d’insgnêr ind al scôli comunêli di prém ân, inspirêda ai stódi iséma a l’argomèint ed l’arsàn Loris Malaguzzi e l’è cgnusûda e stimêda da tót al mônd per l'êlt livél dl’insegamèint ed l’educasiòun ind al scôli ed l’esîlo. Ind al licéo Ariôst al s’è diplumê al presidèint dal cunséli dal dé d’incô Romani Prodi.

Sport

• A.C. Regiâna, nêda ind al 1919 e falîda ind al 2005. La tôrna nâser da la categorèia C-2 sfrutând al Lodo Petrucci. In tàl 2009, l'è in testa à la clasifica p'rander in B
• Bâschet Regiâna
• Regiâna Fódbal a Sînch

A Rèz a’s câta un impurtânt câmp e-spurtîv pr’ un zôgh americân che lôr ciamên baseball, druvê ind j ûltem campiunêt mundiêl fât in Itâlia e ciamê coliseum da j americân per la fatûra dal tribûni che s’arvîsen al teâter al’avêrta ed Ròma ciamê Colosseo.

Lésta di Séndech

Al gvêren estèins dla sitê al finés al 12 ed zôgn dal 1859 e dôp che quâter câp provisôri j an gvernê la sitè per pôch tèimp e pò ‘na Comisiòun cumunêla cun Podestê Pietro Manodori, s’êra rivê al prémi elesiòun cumunêli al 25 ed setèmber dal 1859.
Cósta l’è la lêsta di câp dl'aministrasiòun cumunêla ch’ in pasê a Rèz .

Da l'indipendèinsa ed l'Itâlia al 1923 Luigi Ancini Séndech 25/09/1859 11/11/1860 Pietro Manodori Séndech 11/11/1860 13/07/1872 G.Battista Gorisi Pro-Séndech 13/07/1872 30/11/1873 G.Francesco Gherardini Séndech 30/11/1873 04/01/1881 Giovanni Guidotti f.f.-Séndech 04/01/1881 28/08/1881 Carlo Morandi Séndech 28/08/1881 13/01/1884 Francesco Gorisi Séndech 13/01/1884 08/10/1886 Giusto Fulloni Pro-Séndech 05/08/1890 18/09/1890 Giusto Fulloni Séndech 18/09/1890 13/07/1891 Giovanni Manodori Séndech 27/10/1891 28/06/1892 Antonio Davoli Pro-Séndech 28/06/1892 26/10/1892 Antonio Davoli Séndech 26/10/1892 04/07/1895 Igino Bacchi Séndech 04/07/1895 04/07/1898 Pietro Spallanzani Pro-Séndech 04/07/1898 02/09/1898 Federico Calvi Séndech 02/09/1898 22/07/1899 Tommaso Saracchi Pro-Séndech 22/07/1899 25/08/1899 Alberto Borciani Séndech 09/12/1899 06/07/1900 Alberto Borciani Pro-Séndech 06/07/1900 07/12/1900 Gaetano Chierici Séndech 07/12/1900 26/07/1901 Gaetano Chierici Séndech 10/10/1901 06/12/1902 Luigi Roversi Séndech 06/12/1902 09/02/1905 Giusto Fulloni Séndech 17/07/1905 28/09/1906 Camillo Rossi Séndech 03/10/1906 23/07/1907 Luigi Reverberi Pro-Séndech 23/07/1907 15/09/1907 Luigi Roversi Séndech 28/12/1907 16/02/1917 Giorgio Palazzi Pro-Séndech 16/02/1917 13/11/1920 Giorgio Palazzi Séndech 13/11/1920 31/05/1921

Al tèimp del fâsio Oreste Scamoni Cum. Perf 31/05/1921 25/11/1922 Pietro Petrazzani Séndech 25/11/1922 20/04/1925 Pietro Petrazzani Cum. Perf 20/04/1925 20/05/1925 Giuseppe Menada Séndech 20/05/1925 23/12/1926 Giuseppe Menada Podestê 23/12/1926 20/06/1929 Annibale Fergola Cum. perf 20/06/1929 13/03/1930 G. Augusto Vitelli Cum. perf 13/03/1930 30/06/1931 Adelmo Borettini Podestê 30/06/1931 25/11/1937 Alberto Ramusani Podestê 25/11/1937 15/03/1942 Celestino Carpi Cum. Perf 15/03/1942 17/08/1942 Domenico Morelli Cum. perf 17/08/1942 12/10/1942 Celio Rabotti Com. pref 12/10/1942 20/11/1942 Celio Rabotti Podestà 20/11/1942 03/08/1943 Domenico Pellizzi Cum. Perf 03/08/1943 27/09/1943 Celio Rabotti Com. Pref 27/09/1943 23/03/1945 Prospero Miselli Cum. Perf 23/03/1945 24/04/1945 Da dôp la guèra al dé d'incô Cesare Campioli Séndech 04/05/1945 17/05/1962 Renzo Bonazzi Séndech 17/05/1962 12/05/1976 Ugo Benassi Séndech 12/05/1976 19/02/1987 Giulio Fantuzzi Séndech 19/02/1987 14/06/1991 Antonella Spaggiari Séndech 14/06/1991 14/06/2004 Graziano Delrio Séndech 14/06/2004 05/06/2014 Luca Vecchi Séndech 05/06/2014

J arzân famōs

Artésta ed la mûsica
Orietta Berti (cantânt) Adelmo Fornaciari (in êrt Zucchero) (cantânt) Luciano Ligabue (cantânt) Uberto Pieroni (musicèsta e cumposidôr) Matteo Setti (atôr e musicésta) Ferruccio Tagliavini (tenôr) Iva Zanicchi (cantânt) Augusto Daolio (cantânt) Paolo Belli (cantânt – musicèsta - òm de spetâcol) Gaudio Catellani (poēta, scritōr, cumposidōr, musicésta) Dante Cigarini (buratinêr, ventréloch, cômich)
Êter artésta
Ludovico Ariosto (poēta) Matteo Maria Boiardo (poēta) Giovanni Ramusani (poēta) Vasco Ascolini (fotôgrafo) Ermanno Cavazzoni (scritôr) Antonio Fontanesi (pitôr) Cristoforo Munari (pitôr) Paolo da San Leocadio (pitôr) Romolo Valli (atôr) Anselmo Govi (pitôr) Eleonora Giovanardi (atôra)

Pulêtich
Pierluigi Castagnetti (pulêtich) Giuseppe Dossetti (pulêtich) Nilde Iotti (pulêtica) Romano Prodi (studiôs dla cunumèia, pulêtich) Natale Prampolini (pulêtich, bunificadōr)
Òm de stódi
Loris Malaguzzi (studiôs dla manêra d’insgnêr) Filippo Re (agronôm e siensiê) Angelo Secchi (studiôs dal stréli) Antonio Panizzi (bibliotecâri, pateriôta)
Spurtîv
Mauro Baldi (pilôta) Stefano Baldini (curidōr da maratòuna)
Al macèti
Ulderico Zilocchi (Zilôch)

Traspôrt

Servési nasionêl

Rèz l'é unîda cun tóti al grôsi sitê dal Nord Itâlia per mèz ed l' Avtostrêda dal Sōl (A1 Milân-Napoli, usîda ed Rèz e Terre di Canossa-Valdenza a Cavrêra int al cmûn ed Capèşen. I traspôrt feroviâri în garantî per mèz ed la stasiòun F.S., ind la zôna tra mezanôt e matèina ed la sitê, aşvèin al cèinter stôrich dóve în garantî i colegamèint cun Bològna e Milân per mèz ed trêno Interregionali e Intercity e colegamèint dirèt cun Napoli e Milân per mèz d' Eurostar. In pió a s' é drê fêr la nōva stasiòun pr' al trêno a êlta velocitê (T.A.V.) ch' la gh' à al nòm de Stasiòun Mèdio Padâna dóve al prugèt l'é stê firmê dal famōş architèst spagnôl Santiago Calatrava ch' l' à prugetê, dèinter in un grôs prugèt ciamê Le Vele, anca i trî pûnt a campêda ònica (bèle fât) e la futuréstica quaciadûra (mìa ancòra fâta) dal casèl ed l'usîda a Rèz ed l'Avtostrêda dal Sōl.

Traspôrt ind la sitê

I servési ed traspôrt ind la sitê în fât da l'aşièda municipalişêda ACT (Aşiènda Cunsorsiêla Traspôrt [3]) che in pió ed garantîr al traspôrt póblich in sitê cun di trâm a metâno, l'é impgnêda ind al traspôrt fôra sitê da e vêrs tóta la pruvîncia (cun colegamèint ânca cun al pruvînci ed Mòdna, Pèrma e Mântva) e dal traspôrt feroviâri per mèz dal Ferovèi Arzâni cun la gestiòun dal léni Rèz-Ciân, Rèz-Sasôl e Rèz-Guastâla. În in gestiòun ed l'ACT ânca i parchèg scambiadōr pr'al cèinter (cun servési gratuî ed Minibus e nolèg biciclèti) e al nolèg ed mèz elètrich. Al trâfich privê só gòma al cunténva a 'd èsregh insém a la Via Emélia (la vècia S.S.9) ch'la travêrsa la sitê da matèina a sîra, insém a la strêda dal Pâs da Cerêto ch' la tâja la sitê da mezdé a mezanôt ch'l'unés Guastâla cun Aóla in pruvînca ed Massa Carrara, e insém al strêdi pruvincêli ed colegamèint cun i cmûn aşvèin.

Trâfic e intuşgamèint

Al trâfich sitadèin l'é dimòndi sostgû e, in soquânti ōri ed la giurnêda, ingumbrê, a câşva ed sèimper pió gînta ch'la và a lavurêr in mâchina, i dimòndi câmion che vân int al j aşièndi dal distrèt industriêl arzân e la crèsita ed la popolasiòn ind i dêş ân tr'al 1997 e al 2007. Rèz l' as câta despès ind al prémi dês puşisiòun ed la claséfica nasionêla ch'la riguêrda la preşèinsa ed pōlvra (PM10) ind l' âria (fât ch' l' é preşèint in tóta la Pianûra Padâna). L'é in prugèt, bèle da divêrs ân, l' arnōv e al cumpimèint dal tangensiêli e dal strêdi per traversêr la sitê. Un impurtânt investimèin in sté sèins l'é stê l'avêrta al trâfich ed la nōva tangensiêla ch'la và da Sîra a Matèina (cun 'n' ònica corséia per sèins ed mêrcia e cun dimòndi incrōş), despès impidîda ânca lê. L' ònica vèira tangesiêla, còla a mezanôt (la nōva S.S.9), da divêrs ân an n'é mìa finîda dal tót.

Sitê imparentêdi

Rèz l’è imparentêda cun:

• Bydgoszcz, Pulógna
• Chiṣinău, Moldavia
• Cutro, Italia
• Digione, Franza
• Fort Worth, Stêt Unî d'Amèrica
• Girona, Spagna, dal 1982
• Kragujevac, Serbia
• Rio Branco, Brasil
• Toluca, Messico

Dal j êtri fotograféi

• 
  Côrs dla Gêra (adèsa Côrs Garibaldi)
• 
  Piâsa dal Dôm (adèsa Piâsa Prampulèin) ciamêda ânca Piâsa Grânda
• 
  Piâsa Sân Prôsper ciamêda ânca Piâsa Céca
• 
  Piâsa Funtanèis
• 
  Teâter Municipèl
• 
  Teâter Ariôst
• 
  Teâter Cavalerésa
• 
  Basélica dla Beâta Vērgin dla Gêra
• 
  Al Dôm ed nôt
• 
  Basélica ed San Prôsper
• 
  Cēsa ed Sant'Agustèin
• 
  Cēsa ed Sân Zôrz
• 
  Cēsa ed Sân Pēder
• 
  Uratôri dal Crést (a dréta)
• 
  Sinagôga ed Rèz
• 
  Pâlas Duchêl (adès Pâlas dal Gvêren - Pâlas Allende)
• 
  Municépi e Sêla dal Triculôr
• 
  Via Emélia
• 
  Via Sân Chérel
• 
  Pôrta ed Sânta Crōş
• 
  Còp
• 
  Al stéma dla sitê

Materiêl pr'andêrgh in fònda

(manca)Lésta di léber e documèint impurtântLésta di lébber e documèint impurtantBibliografia ed opere di riferimento:

1. Baricchi, Rolando Cavandoli, Attilio Marchesini - Reggio Emilia : la città dall'età romana al 20. secolo - Walter - Reggio Emilia : [S.n.], 1978
2. Reggio Emilia : medaglia d'oro al valor militare per la Resistenza : 8 settembre 1943-25 aprile 1945. - Reggio Emilia : [S.n.], 1950.
3. Ugo Bellocchi - Reggio Emilia : vicende e protagonisti - Bologna : Edison, 1970
4. Paolo Camellini. Reggio Emilia antica e moderna e i suoi comuni - Reggio Emilia : Centro studi di storia Regionale per l'Emilia-Romagna, 1972
5. Reggio Emilia Circuito Castelli Matildici e Corti Reggiane. - [s.l.] : Matilde di Canossa SpA, 2002.
6. Reggio Emilia la città gemella : la storia, l'economia, il Comune. - Reggio Emilia : Comune di Reggio Emilia, 1983
7. Ugo Bellocchi. Reggio Emilia nell'Ottocento - Roma : Editalia, 1994

Nôti, informasiòun e êter sît

• La cmûna la scrév al fòj "Rèz in nómer".
• Al sît ed l'anâgrafe dla cmûna: [4]
• Al sît dal giurnêl dal cmûn: "Reggio Comune"

Comuni della provincia di Reggio Emilia (tradurre)I cmûn ed la pruvîncia ed Rèz

Albinèa · Bagnōl in Piân · Baîṣ · Bibiân · Bresèl · Burèt · Buṣâna · Cadelbôsch ed Sōver · Campagnōla · Campéṣen · Canòsa · Carpnèida · Caşalgrând · Caṣîna · Castelnōv di Mûnt · Castelnōv ed Sòt · Castlarân · Culâgna · Curèz · Fâbrich · Gatâtich · Gualtēr · Guastâla · Ligûnchi · Lusêra · Muntèc · Nuvalêra · Puvî · Quâter Castē · Queriêgh · Ramṣèit · Ré Salṣêr · Rèz · Rezōl · Rôl · Rubēra · Sân Martèin · Sânt'Ilâri · Sân Pôl · Scandiân · Toân · Véla Mnôs · Vèt · Viân · Vsân