Gaudio Catellani
Artécol in dialèt arzân
Gaudio Catellani l'é stĕ 'n artésta nasû a Sân Mavrési, ed Rèz al 12 lój dal 1952. Dôp ch' al 's é spuşê l'é andê a stêr a Viadâna (MN). Môrt al 27 de znêr dal 2019 int l'uspdêl Oglio Po ed Cremòuna.
La carēra
modificaArtésta bòun ed fêr tót: poēta, scritōr, cantânt, cumpoşidōr, muşicésta, la só véta artéstica la và da la poeşéia, a la vignetéstica, da la sâtra a la mûşica, da la barşelèta a la filoşoféia cuntadèina. Al cgnòs quâter léngui mó la só produsiòun ed tèst l’é préma ed tót, mó mìa sōl, in dialèt arzân.
L’inési ed la só véta artéstica l’é ind al 1981 cun un prèmi nasionêl ed sâtra polética, ch’ a’gh fà sègvit ‘na mòstra ed vignèti, guernîda cun al relatîv léber Politicalia editōr Il Voltone ed Rèz.
La só vucasiòun canterèina l’é nêda quêşi per chêş in un bâr a Sân Mavrési, al Bâr Transcoop incō sarê, insèm a dû amîgh: ûn cun ‘na chitâra, ûn cun ‘na fisarmônica e ló cun ‘na tastêra eletrônica, a trêven insèm dal cansòun per tgnîr alēgher i clièint dal bâr. Da cla sîra là la só produsiòun muşichêla l’é sèimper stêda in crèser, fîn ai nôster dé. Da nutêr che Gaudio Catellani l’é, cme ló a’gh piêş ciamêres, un ruspânt ind al sèins, d’ed là ch’ l’ é d’ urégin cuntadèini, che an n’à mìa fât nisòna scōla per dvintêr l’Artésta ch’ l’é dvintê.
L’à tôt pêrta cme avtôr per quâter vôlti al festivâl ed la cansòun dialetêla arzâna Cantaprospero, in dó l'é rivê per dō vôlti prém e per dō vôlti secònd... ma non nel senso di Casadei, che era Secondo anche quando era primo!... invece, mio zio Primo si chiama Primo, ma è il secondo, perché il primo era mio padre Antonio, che se mia nonna era più furba, dato che era il primo, lo chiamava Primo, invece di chiamare Primo il secondo, che non è neanche Casadei, oltre a non essere primo...[1].L’à scrét e fât la mûşica a pió ed 450 cansòun ed divêrs gèner: lés, popolêri, dialetêli, italiâni, polétichi, ed custóm, trésti, alêgri, melôdichi, ròck.
L’à publichê deşdôt âlbum ed cansòun cun la colaborasiòun dal Mèister Uberto Pieroni ch'l’à rangê la pió grôsa pêrta dal sō cansòun. L’à dê véta al spervêrs Trietto cun Dante Cigarini e Luigi Melloni, al Duetto cun al pôver Franco Setti e al Mèister Uberto Pieroni e ‘na suciasiòun per pôch tèimp cun i Fratelli di Talia: Franco Beltrami e Ugo Maccaferri. L’à colaborê cun al pió impurtânti orchèstri ed lés cme Titti Bianchi, Ruggero Scandiuzzi, Mike & Lori e Annalisa Simeoni e tânti êtri, cun artésta ed la pôsta 'd Henghel Gualdi, cun personâg cgnusû o mēno cgnusû cme Piero & Johnny, Gianni Dagolini, Felice Tavernelli, Marcello Ziveri e tânt êter.
Soquânti dal copertèini di sō âlbum
modifica
Lésta di âlbum dal cansòun
modificaL'à fât deşdôt âlbum ed cansòun:
- 4 cun al "Trietto":
"Trietto Schêrs 1" , "Trietto Wanted 2" , "The Best 3 (Le Bestie)" e "Trieccoci 4" , - 2 cun al “Gaudio e il Duetto”:
"Pôvr’Itâlia" e "Dueccoci! ", - 8 da per ló:
"100% Gaudio", "Super Gaudio", "Giù per Gaudio", "Comprami", "Covers", "Stella", "Pim,Pum,Pam"
e ‘n' album un pô strân cun dō cansòun ed pió ed nōv minût l’òna: "Buon Natale" e "Il PCI della gente", - 1 cun só fiōl Alessandro: "Ale 0-16"
- 1 cun Franco Setti, Gianni Dagolini, Erika Moratto e Giuliana Varotti: "Gaudio S.p.A. ",
- 1 cun Franco Setti: "Via con lei"
- 1 cun Felice Tavernelli:"Lisio come l’olio."
Quêşi tót j âlbum în stê rangê dal Mèister Uberto Pieroni
Tétol dal cansòun pió cgnusûdi
modifica
|
|
|
|
|
Nôti
modifica- ↑ Da ‘n’ intervésta maturlâna a un giurnêl ed Rèz dôp la secònda vôlta ch’ l’é rivê secònd.