Dialàtt bulgnaiṡ
(Reindirizzamento da Dialatt bulgnais)
Artéccol in dialàtt bulgnaiṡ
Al bulgnaiṡ l é ón dialàtt dla längua emiglièna-rumagnôla.
L é bacajè int la pruvénzia ed Bulåggna (fòra che int äl cmóṅni ataiṡ a Iómmla) e int äl cmóṅni ed Castèl int la pruvénzia ed Môdna, int la Sanbûga int la pruvénzia ed Pistòja e dal band ed Zänt int la pruvénzia ed Frèra.
Al bulgnaiṡ al cunprànnd zénncv såttvariànt prinzipèl c äli én un pôc difaränti par la prunónzia e pr äl parôl:
- Al dialàtt bulgnaiṡ zitadén -bacajè a Bulåggna in qualla c'na vôlta l êra la zitè däntr äl mûra (adès i én i vièl).
- I dialétt bulgnîṡ muntanèr mêdi (bacajè int äl muntâgn a óṅna distanza stra i vént e i quaranta chilòmeter da Bulåggna, pr esänpi Varghè, Grizèna.
- I dialétt bulgnîṡ muntanèr èlt (bacajè int äl cmóṅni ataiṡ ala cunféṅna con la Tuschèna, pr esänpi Castión, Lizàn.
- I dialétt bulgnîṡ campagnû ed matéṅna (bacajè int la bâsa a matéṅna ed Bulåggna (Bûdri, Midgéṅna, Mulinèla).
- I dialétt bulgnîṡ campagnû ed sîra (bacajè int la bâsa int i dintûren ed San Żvân, da Bazàn a Crevalcôr.