Pruvénzia ed Bulåggna

Provincia di Bologna-Stemma.png Artéccol in dialàtt bulgnaiṡ Bologna-Stemma.png

Provincia Bologna.svg
Mirino.gif

La pruvénzia ed Bulåggna l è una pruvénzia d'l Emégglia-Rumâgna ed pió ed 940 mella abitànt.

La cunféṅna ed såura cun la pruvénzia ed Frèera, a maténna cun la pruvénzia ed Ravänna, ed såtta cun la Tuschèna (pruvénzia ed Fiuränza, pruvénzia ed Prè e pruvénzia ed Pistòja) e ed sîra cun la pruvénzia ed Môdna. Al só chèplôg l'è la zitè ed Bulåggna.

GeografîModifica

La pruvénzia ed Bulåggna la cunprand l'Emégglia ed matéṅna ed såura cun la żonta ed sètt cmónni cäli én geograficamänt int'la Rumâgna: Båurg Tusgnàn, Casalfiumanais, Castèl ed Rî, Dåzza, Funtanalls, Iommla e Murdàn.

Al teritòri d'la pruvénzia al s estand såura tott int'la bâsa e int'äl culéṅni (la muntâgna la fà al 21,3% d'la pruvénzia, int l istà sa tänp al valåur ed mèzz l è dal 25%).

I fiòmm chi travérsen al teritòri én al Raggn, al Sèvna, l Égg'[1] e al Santeren. I turént pió impurtant én al Samûza, al Satta, al Siller.

Int'äl culéṅni as truven dåu crésst ch'al traversen al vâl pió impurtanti: al Cuntrafôrt pliocenico e la Vänna dal żass. Squèsi onnic int'al månd e bî da vadder én i calànc, dal furmazión culinèr ch'al piôv àn scavè.

EconomîModifica

I setûr d'l economî regiunèl èn: l'agricultûra (urtâg', furmänt - famåusa l è la patèta ed Bûdri), l arlîv (nénn e bû) e la céna e mêdia indósstria dî setûr mecânic, dal magnèr d'la zerâmica e d'l eletrònica. An s pôl gnanc dscurdèr la Fîra 'd Bulåggna e la strutûra d'l Interporto ed Bulåggna par carghèr e dscarghèr i quî. Ai é anch'al pôrt ed Ravanna ch'l è di mondi inpurtànt par la pruvénzia ed Bulåggna.

NòtiModifica

  1. Luigi Lepri, Daniele Vitali - Dizionario Bolognese Italiano / Italiano-Bolognese - 2007 - Pendragon - Toponimi in dialetto bolognese - da pag 348 a pag 354 - ISBN 978-88-8342-594-3