C'l artìcul chè 'l è scrit in Miranduléś Emiliàn

Crowe tòlt śò in dal 2013


Russell Ira Crowe (Wellington, 7 'd Avrìl dal 1964), cgnusû méj cuma Russell Crowe, 'l è 'n atōr, prudutōr e regìsta neuśelandéś, vinsidōr 'd un Golden Globe in dal 2002 par la pelìcula A Beautiful Mind e dal Prèmi Òscar dal 2001 p'r al film Il gladiatore, esénd pò numinâ àtar dū vòlti.

Al gh'à na stéla a la Hollywood Walk of Fame, la nùmar 2.404. In dal tèmp lìbar al s divertìs a cantàr in un grup muśicàł, in dal 2001 'l è anc andâ a 'l Fèstival ad Sanremo.

Biugrafìa

La caréra 'd Russell la taca faghénd soquànt telefìlm e soap opera pò al sa spòsta in Austràglia par giràr di film cuma Skinheads, Un piccolo grande eroe e Tutto ciò che siamo. In séguit la Sharon Stone la 'l ciàma in di Stat Unî par recitàr sèg, insém anc a Gene Hackman e a Leonardo DiCaprio, in dla sò pelìcula western Pronti a morire ma 'l è 'n fiàsc. A gh và méj invéci in L.A. Confidential in dua 'l cata 'l sucès fagénd 'l agìnt Bud White.

In dal 2000 al fà la part dla sò vita in Il gladiatore ad Ridley Scott ch'al gh fruta 'n Prèmi Òscar. Al ligàm cun Ridley 'l armàgn fòrt anc in séguit tant che Crowe al girarà sèg atri quàtar pelìculi. Cun Ron Howard al lavóra in dū film impurtànt cuma A Beautiful Mind e Cinderella Man - Una ragione per lottare. In dal 2009 al fà 'l giurnalìsta Cal McAffrey in State of Play.

Filmugrafìa

Russell in dal 2009
'L atōr cun sò mujér Danielle
Crowe da drē da 'l micròfun

Culegamènt estéran

Àtar prugèt