Sharon Stone
|
C'l artìcul chè 'l è scrit in
Miranduléś |
La Sharon Vonne Stone, cgnusùda méj cuma Sharon Stone (Meadville, 10 ad Mars dal 1958), l'è n'atōra, n'èx mudèla e prudutōra 'd film americàna, candidàda a i Prèmi Òscar cuma atōra prutagunìsta par la pelìcula Casinò dal 1995.
In dla sò caréra, in du l'à laurâ par di regìsta impurtànt a Hollywood cuma Martin Scorsese, Woody Allen, Sidney Lumet e Sam Raimi, la s è fata cgnós'r in dal 1992 recitànd da prutagunìsta in dal film scàndal Basic Instinct ad Paul Verhoeven in du l'à fat védar la pasra, méntar l'éra sintàda durànt n'interugatòri 'd pulisìa, spustànd na gamba da na banda a cl'atra faghénd véndar ch'la n gh'iva briśa 'l mudàndi adòs.
In dal 2001 l'è stada vitma 'd 'n aneurìśma che par pôc al n la masàva dabòṅ, pò la gh'à abû 'n infàrt in dal 2004.
Biugrafìa
Fiōla dna famìja 'd uperàj dla Pennsylvania cun di urìgini irlandéśi, la Stone la và a star da śōvna prima a New York e pò in dal New Jersey par far la mudèla. Nutàda in Európa da Woody Allen, la fà 'l sò debùt da cumpàrsa in dal film Stardust Memories dal 1980, pò la gira 'l film ad scarésa Benedizione mortale scrit e dirèt par Wes Craven.
A 'l inìsi di an Nuànta la taca a lauràr c'n al regìsta ulandéś Paul Verhoeven prima faghénd la mujér 'd Arnold Schwarzenegger in Atto di forza e pò faghénd na bisesuàla purcùsa e sénsa lìmit in Basic Instinct ch'la gh vèra 'l pòrti dal sucès e ch'la gh fruta na nomination a i Golden Globe.
In dal 1993 la gira 'n àtar thriller eròtic insém a William Baldwin, Sliver, mént'r in dal 1995 l'è la prutagunìsta dal western ad Sam Raimi Pronti a morire cun Gene Hackman, Russell Crowe e Leonardo DiCaprio. Sèmp'r in c'l an lè la fà la Ginger McKenna in dla pelìcula biugràfica 'd Martin Scorsese Casinò, film girâ insém a Robert De Niro e a James Woods. Par cla part chè la finìs in dla lista dal candidàdi prutagunìsti a vìns'r al Prèmi Òscar che però al và a la Susan Sarandon par Dead Man Walking - Condannato a morte.
In dla 1996 la gira al thriller Diabolique, arfacimènt dna pelìcula francéśa dal 1955 'd Henri-Georges Clouzot, I Diabolici. In di an Dumìla la tōś part a dū flòp, Catwoman dal francéś Pitof, e Basic Instinct 2 in du la và a far la malnéta sasìna a Lóndra.
In dal 2013 la gira la pelìcula biugràfica Lovelace, ch'la cònta la vita dla prutagunìsta dla pelìcula pòran La vera gola profonda, e pò la cumèdia 'd John Turturro Gigolò per caso cun Woody Allen e la Vanessa Paradis. La Stone la lavóra pò par la prima vòlta in Itàglia c'n al bulgnéś Pupi Avati in dal sò Un ragazzo d'oro, film cun Riccardo Scamarcio e la Cristiana Capotondi.
Filmugrafìa
- 1980 - Stardust Memories, regìa ad Woody Allen
- 1981 - Bolero (Les uns et les autres), regìa ad Claude Lelouch
- 1981 - Benedizione mortale (Deadly Blessing), regìa ad Wes Craven
- 1984 - Vertenza inconciliabile (Irreconcilable Differences), regìa ad Charles Shyer
- 1985 - Allan Quatermain e le miniere di re Salomone (King Solomon's Mines), regìa ad J. Lee Thompson
- 1987 - Gli avventurieri della città perduta (Allan Quatermain and the Lost City of Gold), regìa ad Gary Nelson
- 1987 - Scuola di polizia 4 - Cittadini in... guardia (Police Academy 4: Citizens on Patrol), regìa ad Jim Drake
- 1987 - Lama d'acciaio (Cold Steel), regìa dla Dorothy Ann Puzo
- 1988 - Action Jackson, regìa ad Craig R. Baxley
- 1988 - Nico (Above the Law), regìa 'd Andrew Davis
- 1989 - Tramonto di un eroe (Beyond the Stars), regìa ad David Saperstein
- 1989 - Ossessione d'amore (Sangre y arena), regìa ad Javier Elorrieta
- 1990 - Atto di forza (Total Recall), regìa ad Paul Verhoeven
- 1991 - Dice lui, dice lei (He Said, She Said), regìa ad Ken Kwapis e dla Marisa Silver
- 1991 - Scissors - Forbici (Scissors), regìa ad Frank De Felitta
- 1991 - Diario di un killer (Diary of a Hitman), regìa ad Roy London
- 1991 - L'anno del terrore (Year of the Gun), regìa ad John Frankenheimer
- 1991 - Diario di un assassino (Where Sleeping Dogs Lie), regìa ad Charles Finch
- 1992 - Basic Instinct, regìa ad Paul Verhoeven
- 1993 - Sliver, regìa ad Phillip Noyce
- 1993 - Last Action Hero - L'ultimo grande eroe (Last Action Hero) – camèo
- 1994 - Trappola d'amore (Intersection), regìa ad Mark Rydell
- 1994 - Lo specialista (The Specialist), regìa ad Luis Llosa
- 1995 - Pronti a morire (The Quick and the Dead), regìa ad Sam Raimi
- 1995 - Casinò (Casino), regìa ad Martin Scorsese
- 1996 - Diabolique, regìa ad Jeremiah Chechick
- 1996 - Difesa ad oltranza (Last Dance), regìa ad Bruce Beresford
- 1998 - Sfera (Sphere), regìa ad Barry Levinson
- 1998 - Basta guardare il cielo (The Mighty), regìa ad Peter Chelsom
- 1999 - Gloria, regìa ad Sidney Lumet
- 1999 - La dea del successo (The Muse), regìa 'd Albert Brooks
- 1999 - Inganni pericolosi (Simpatico), regìa ad Matthew Warchus
- 2000 - Ho solo fatto a pezzi mia moglie (Picking Up the Pieces), regìa 'd Alfonso Arau
- 2000 - Beautiful Joe, regìa ad Stephen Metcalfe
- 2003 - Oscure presenze a Cold Creek (Cold Creek Manor), regìa ad Mike Figgis
- 2004 - Codice Homer (A Different Loyalty), regìa ad Marek Kanievska
- 2004 - Catwoman, regìa ad Pitof
- 2005 - Broken Flowers, regìa ad Jim Jarmusch
- 2006 - Alpha Dog, regìa ad Nick Cassavetes
- 2006 - Basic Instinct 2, regìa ad Michael Caton-Jones
- 2006 - Bobby, regìa 'd Emilio Estevez
- 2007 - If I Had Known I Was a Genius, regìa ad Dominique Wirtschafter
- 2007 - When a Man Falls in the Forest, regìa ad Ryan Eslinger
- 2008 - Contrasti e amori, regìa ad Patrick Sisam
- 2008 - 5 dollari al giorno ($5 a Day), regìa ad Nigel Cole
- 2009 - Streets of Blood, regìa ad Charles Winkler
- 2011 - The Burma Conspiracy - Largo Winch II (Largo Winch II), regìa ad Jérôme Salle
- 2012 - The Mule, regìa dla Gabriela Tavigliani
- 2013 - Lovelace, regìa ad Robert Epstein e 'd Jeffrey Friedman
- 2013 - Gigolò per caso (Fading Gigolo), regìa ad John Turturro
- 2013 - Gods Behaving Badly, regìa ad Marc Turtletaub
- 2014 - Lyubov v bolshom gorode 3, regìa ad Marius Balchunas e 'd David Dodson
- 2014 - Un ragazzo d'oro, regìa ad Pupi Avati
- 2015 - Life on the Line, regìa ad David Hackl
- 2016 - Mothers and Daughters, regìa ad Paul Duddridge
- 2017 - Senza controllo (Running Wild), regìa 'd Alex Ranarivelo
- 2017 - The Disaster Artist, regìa ad James Franco