L.A. Confidential
|
C'l artìcul chè 'l è scrit in
Miranduléś |
 L.A. Confidential
| ||
| L.A. Confidential | ||
 La Kim Basinger e Crowe in na figùra dal film | ||
| id. 1997 | ||
|---|---|---|
| Regìa: Curtis Hanson | ||
| Scritōr: Brian Helgeland James Ellroy • Curtis Hanson | ||
| Atōr: Kevin Spacey • Russell Crowe • Ron Rifkin James Cromwell • Kim Basinger • Guy Pearce Danny DeVito • David Strathairn • Paolo Seganti Paul Guilfoyle • Matt McCoy • Sandra Taylor | ||
| Müsica: Jerry Goldsmith | ||
| Léngua: Ingléś | ||
| Dürä dal film: 132 minüt | ||
| Nasiōṅ: Stat Unî | ||
L.A. Confidential (id.) 'l è 'n film noir dal 1997 ad Curtis Hanson trat da 'l rumànś umònim ad James Ellroy. A i Prèmi Òscar dal 1998 'l à purtâ a cà dū statvi, una par l'atōra minga prutagunìsta (a la Kim Basinger) e una par la senegiadùra minga uriginàla (a Brian Helgeland e a Curtis Hanson).
Al film, ch'al cònta di fat sucès dabòṅ in dal 1951 cgnusû cuma “Al Nadâł ad sangṿ”, 'l à muciâ sù a i butghèṅ da piò ad sentvint-siē migliòṅ ad dòlar esénd-an custâ trénta-sinc. 'L è stâ preśentâ in cuncōrs a 'l 50śum Fèstival ad Cannes.
Sunt
Tri pulisiòt ad Los Angeles a gl'inìsi di an Sinquànta i próv'n a far caréra e a cùr'r adrē a 'l sucès. Ed Exley (Guy Pearce) al fà sù dal nutìsi in sal cònt di sò culéga par psēr-li druàr s'a gh fà còmad e al vōl tgnir a drē a qvél ch'l à fat a i sò tèmp sò pàdar, agînt anca lò, prima ch'al fus masâ da 'n tisi ciamâ Rolo Tomassi. Bud White (Russell Crowe) al patìs dimóndi cal dar-as da far chè 'd Ed. Jack Vincennes (Kevin Spacey) al dà dal cunsulénsi p'r un show televiśìṿ e al fà arestàr soquànt persunàǵ dal mónd dal spetàcul par cònt ad Sid Hudgens (Danny DeVito), editōr dna rivìsta sénsa scrùpui.
Quànd Ed al vèṅ cupâ, Bud al s dà da far par dasquaciàr i rapòrt minga ciàr fra la pulisìa e 'l mónd di delinquènt. A dar-ag na maṅ a gh'è anc na ragàsa ch'la sumìlia dimóndi a la Veronica Lake, la Lynn Bracken (Kim Basinger), una ch'la lavóra par 'l impreśàri Pierce Morehouse Patchett (David Strathairn).