Mèschel

C'l artìcol chè 'l è scrit in Carpśàn

Al mèschel o mèscla, o meśdel (mestolo in itagliàṅ), 'l è cla puśèda ch'la sumìglia a 'n cucêr mo 'l è più grôs e col mandeg dimòndi lùng, e 'l sèrvìs per tōr sù dal magnèr ch'al śbrudàcia da 'l pgnati, da 'l tègi, dai piât sàinsa śguslèr in gîr e gnanca scutèr-es. A s in càta 'd alumìni, d' asèr inox o anca 'd lègn e 'd plàstica. Quand al mèschel 'l è 'd argìnt, 'l è perchè al fa pert 'd un servìsi 'd argenterìa.
In na manéra figurèda, a s diś che 'n quelcd'ùn al fà al mèschel quand 'l è lè lè per mèt'r-es a piànśer.

Manéri ed dir

(BLG) Chi tén la masscla, fà par prémm al sô piât, (IT) (lett.) Chi tiene il mestolo, fa prima il proprio piatto, (fig.) Chi comanda, pensa prima ai propri interessi.
(CARPŚ) Avér-'g al mèschel in màṅ (fam.)^[1], (IT) (lett.) Possedere il mestolo, (fig.) Avere il comando (in casa).
(CARPŚ) Mulèr al mèschel^[2], (IT) (lett.) Mollare il mestolo, (fig.) Lasciare il comando.
(CARPŚ) Mèscla furèda^[3], (IT) Schiumarola.
(CARPŚ) Più 't la mèśd e più la pùsa^[4] (inùtil e pēś girèr al mandeg in 'n argomèint mìa bòun), (IT) Più la rivolti (rif. sterco) e più puzza (inutile e dannoso rigirare un argomento non valido).
(CARPŚ) Meśdèr-es in sim'a la scràna^[5], (IT) Agitarsi sulla sedia.
(CARPŚ) Meśdèr al cûl, (IT) Ancheggiare.
(CARPŚ) Fèr al mèschel (mesclèin)^[6]: quand a trèma al mèint e 'l laber perchè a vin da piànśer.
(CARPŚ) Antîg c'm'al mèsc'l ed lègn^[7], (IT) Antico come il mestolo di legno.
(BLG) L é inóttil ażuntèr râm ala masscla. T l è bèle détt trai vôlt e avän capè incôsa: adès fâla finé! (IT) (lett.) È inutile aggiungere rame alla mescola. L'hai già detto tre volte!, (fig.) È inutile che rincari la dose. L'hai già detto tre volte!

Vōś lighèdi

Èter progêt

Wikimedia Commons contiene file multimediali su Mèschel
Wikizionario contiene la voce di dizionario «Mèschel»

Colegamèint estèren

(IT) La vóś in sìm'a 'l vucabulàri Treccani.
(IT) D'indû a deśvìn al só nòm in sìm'a etimo.it.

Noti e referèinsi

↑ (CARPŚ) e (IT) In dal "Dizionario del dialetto carpigiano" ed Grasiàn Malagòli e Anna Marìa Ori, Mòdna 2011, a s escrìv: „avéer al mèsschel in maan”.
↑ Ibidem, a s escrìv: „mulèer al mèsschel”.
↑ Ibidem, a s escrìv: „mèsscla furèeda”.
↑ Ibidem.
↑ Ibidem.
↑ Ibidem.
↑ (CARPŚ) e (IT) "La Ruscaróola èd Chèerp" dal Màvro D'Oràsi, Mòdna 2012, pàǵ. 281.

[1] (CARPŚ) e (IT) In dal "Dizionario del dialetto carpigiano" ed Grasiàn Malagòli e Anna Marìa Ori, Mòdna 2011, a s escrìv: „avéer al mèsschel in maan”.

[2] Ibidem, a s escrìv: „mulèer al mèsschel”.

[3] Ibidem, a s escrìv: „mèsscla furèeda”.

[4] Ibidem.

[5] Ibidem.

[6] Ibidem.

[7] (CARPŚ) e (IT) "La Ruscaróola èd Chèerp" dal Màvro D'Oràsi, Mòdna 2012, pàǵ. 281.

[1]

[2]

[3]

[4]

[5]

[6]

[7]