Disègn

Carpśàn

C'l artìcol chè 'l è scrit in Carpśàn

Al disègn preparatóri per la sùca 'd un suldê dla batàja 'd Anghiàri, fât dal Leonêrd in dal Sincsèint.

'L òm vitruviàṅ, disgnê da 'l Leonêrd.

Al Minôs in dl'ilustrasiòun dla Divìna Cumédia dal Doré edl Otsèint.

Al Próteo ch'al gh'próva, in dl'ilustrasiòun dal Doré edl edisiòun dl Otsèint edl "Orlànd rabî".

Un disègn dl Arnaldo Ferraguti ch'al figùra 'n merchê a Milàṅ, publichê in sìm'a L'Illustrazione italiana in dal 1901.

Da l'élta a 'l bàs, la machina fotogràfica ind un disègn vetoriêl e minga, che difât pò i s vèden i pixel piutòst che i segmèint.

Na clâs di cōrs ed stùdi 'd disègn organiśê da 'l cumùn ed Chêrp in di prìm an Quarànta, indû, cun la cruàta in dal mêś, a è gnû tolt śò anc al mister Voltolìni.

Al disègn 'l è cla manéra 'd śgumbièr di sègn in sìm'a na quèlc superfìsi, e ch'i staghen a significhèr viśivamèint un quêl per chi 'l li bùta śò, c'ma figurèr dal só idèi imaginàri o anca figurèr dal viśuèli reèli.
A s pōl disgnèr di schìs, di paciûg, di quèl cun na valèinsa artìstica, o tètnica, o architetònica, un disègn giumètric, un disègn ch'al spiéga di quêl, un disègn in sìm'ala sàbia; a 'l dè 'd incō pò, a s disègna anca in vetoriêl dèint'r ind un quèlc progràma a 'l pc, e a gh'è pò anca i fumèt ch'i s servìsen ed strìsi disgnèdi, p'r an cuntèr di disègn animê, indû i disègn i rapreśàinten el só prìmi pert più elementèri, ch'i gnaràn pò elaborèdi in sucesiòun per 'rivèr a l'animasiòun finèla dal só filmèin.
Per disgnèr di quêl, a s'rèv anc abàsta na pèna basta ch'a sia, mo p'r èser precîś, el diferèinti spéci 'd disègn i gh'àn biśògn di só strumèint: e dòunca a s gh'avrèv da druèr di bē lapis dala punta più o meno tendra (c'm'anca di carbunsèin) a s'gònda dal scurèsi e sfumadùri ch'a s vōl dèr a 'l disègn, e la superfìsi da druèr la prèv èser anc la piò diferènta, mo anc chè a srèv méj druèr al fond piò giost per quèl ch'a s gh'à da disgnèr: di bē fōj 'd chèrta, lìsa o crespa, più o meno tendra, o dla tela, o dal lègn, dal mùr o dal pavimèint p'r i madunêr, p'r eśèimpi.

I schìs dal Leonêrd

Al vōl ed 'n uśêl.
Un disègn ed na màchina per ciapèr al vōl.
N'ètra màchina per vulèr.
'N èter preparatîv per ciapèr al vōl cun na màchina.
'N disègn ed 'n elicóter.

Soquànt disègn tètnic

Un disègn tètnic 'd un canunsèin di inìsi dal Novsèint.
Dal pinsèdi p'r un bust ed cal dòni.
Un stùdi p'r al stèma dal presidèint americàṅ.
Un disègn dal cadèini muntèdi in sim'a na róda, in dla metê di an Trèinta.

Soquànt disègn 'd architetùri

Un disègn dal capitêl ed na culòuna ed 'l architèt Enrico Marconi edl Otsèint.
Un disègn dal Pallàdio edla Vìla Capra o Vìla La Rotonda ed Vicèinsa.
Al disègn dal Carlo Fontana per la schèla régia edla baśìlica ed San Péder in Vaticàṅ, dla fin dal Sesèint.
Na progetasiòun 'd intèren, vduda da l'élta.

Soquànt disègn giumètric

Al disègn 'd giumetrìa ch'al servìs a 'l mìster per spieghèr in clâs.
Al disègn edla figùra ed 'n etàgon regolêr.
Un disègn a 'l pc in sìm'a 'l sesiòun cónichi.
Un disègn ed giumetrìa diferensièla.

Soquànt disègn vetoriêl

Un papagâl disgnê vetorialmèint cun tùt i rîg śuntê-gh atàc col spiegasiòun di só pcòun.
Un fiōr disgnê in vetoriêl dàint'r a 'l pc.
Na silhouette ed dòna imperśunèda sòt'a 'n bicēr a cûl a l'élta.