Tèstaquêdra
| Wikipedia:Babel | |||||||||
|---|---|---|---|---|---|---|---|---|---|
| |||||||||
| Zerca i lèngui | |||||||||
Sòuver l'impurtânsa dal lèngui
A gh'é Ṣilôch ch'al vîns a la luterìa, e al prèmi l'é un viâz in Inghiltèra; mó chiló an sà gnîn ed mònd e và a dmandêr cunséli al só amîgh Tugnîn, ch'al sà tót. «Cmé fâghia, che cgnòs sōl Gavâsa e gnîn êter. Chilōr e pârlen furastēr e mé sōl dialèt, e m'intartajaró sobét!», al dîṣ Ṣilôch. «Mó mètet mìa in pinsēr, dà a mèint a mé! L'inglèis l'é un bèver in biànch, té an t'gh'ê êter da fêr che parlêr dialèt, mó adêṣi. E chilōr e't capésen sicûr», al fà Tugnîn. «Da bòun? A'm pêr un pôch na cuiunêda ...» -- «Fêr mìa al chegadóbi, e t'al dégh mé! An gh'é gnîn ed pió fâcil». E Ṣilôch egh crèd, perché Tugnîn al sà sèimper tót.
Quând Ṣilôch al rîva in Inghiltèra, al vōl magnêr sobét, e a's và a fichêr int un ristorânt ed quî; mó l'é sèimper un pôch curiòus ed savèir s'l'é prôpria vèira che l'inglèis l'é cumpâgn al dialèt, sōl parlê adêṣi. Al's dà curâg e al fà al camarēr: «Bòun òm, em prēl purtêr dû caplèt in brôd?» E al camarēr, sèinsa dîr gnân bâo, al tórna indrē cûn i só caplèt. Ṣilôch l'é tót maraviliê, e al và adrē: «Prēl ânca purtêrem dòu fetlèini ed salâm cûn dal vîn bòun?» E via, ch'al magnêr al rîva. «Trî pcòun ed scarpasòun?» E avanti pór. T'al dgîva che Tugnîn al sà tót.
Mó, finî al diṣnêr, per Ṣilôch a gh'é incòra cvèl ed pôch cêr. E alòura al dmânda al camarēr: «Mó l'am déga, éla vèira che lē la capés tót còl che dègh? Cmé fâla?» «Chèra lē, e capés perché e sûn ed Gavâsa ânca mé.» «Srâla mìa vèira?» «Mó sé, e v'degh.» Êt capî Tugnîn?, a gh'vîn pinsê a Ṣilôch: «Mó alòura,» al dîṣ, «se mé e sûn ed Gavâsa, e uèter ânca, ... s'e stóm ché a parlêr inglèis a fêr?»
Un salót a tót i arsân, i emiliân e ânca a chî èter.
User:Tèstaquêdra/Babels
Wikipedia:Convenzioni
User:Tèstaquêdra/Stemmi
User:Tèstaquêdra/Cmoni
User:Tèstaquêdra/Casèt dal sabiòun
User:Tèstaquêdra/monobook.css
User:Tèstaquêdra/monobook.js
MediaWiki:Common.css
MediaWiki:Common.js
[Per vèder al JS charghê in tót al pâgini]
Wikipedia:Foto:Rez e pruvincia
Template:Variant
MediaWiki:Sidebar
Pâgini da scanzlêr
Pâgini ch'an's pōlen mìa scréver
Pâgini di adanê di cmûn