Per te ho ucciso
|
C'l artìcul chè 'l è scrit in
Miranduléś |
 Kiss the Blood Off My Hands
| ||
| Per te ho ucciso | ||
 Burt Lancaster in na figùra dal film | ||
| Par tè a-j-ò masâ 1948 | ||
|---|---|---|
| Regìa: Norman Foster | ||
| Scritōr: Leonardo Bercovici • Walter Bernstein Ben Maddow • Hugh Gray • Gerald Butler | ||
| Atōr: Burt Lancaster • Joan Fontaine Robert Newton • Grizelda Hervey • Jay Novello Lewis L. Russell • Colin Keith-Johnston | ||
| Müsica: Miklós Rózsa | ||
| Léngua: Ingléś | ||
| Dürä dal film: 79 minüt | ||
| Nasiōṅ: Stat Unî | ||
Per te ho ucciso (Par tè a-j-ò masâ) 'l è 'n film dramàtic americàṅ dal 1948 ad Norman Foster, girâ in biànc e négar.
In alóra 'l à muciâ sù un migliòṅ e siē ad dòlar in dal sità più grandi di Stat Unî, un riśultâ minga da śbàtar via cuntànd ch'l éra na prudusiòṅ indipendènta.
Sunt
Bill Saunders (Burt Lancaster), èx parśunēr ad guèra nòrd-americàṅ, adès al viṿ in Inghiltèra. Par via dal sò caràtar ghignóś quànd al s arlìa, na nòt al mòla 'n marùc in fàcia a òṅ in un bar. Chi lò al casca śò para, al śbat mâł al cô e 'l mōr sóta i òć 'd un testimòni, Harry Carter (Robert Newton).
Bill al scapa via da la pulisìa e 'l s lōga in d'l apartamènt dna śōvna infarméra puta, la Jane Wharton (Joan Fontaine). Chi lē la gh créd quànd 'l óm al gh diś ch'l'è stada na daśgràsia. I dū i s fàn'n amìg e i tàc'n a 'ndàr fóra insém ma 'n dè, a na cursa 'd cavài, Harry al s fà viṿ sèg par dmandàr-'g ad far soquànt lavursèṅ da delinquènt par lò, s'al vōl ch'al tgnis la bóca saràda, ma Bill 'l al para via parchè al vōr rigàr drit. Purtròp par lò, da lè a pôc dè, Bill al s questiòna c'n un pulisiòt tirànd-'g un pugn e 'l finìs dèntar. Cundanâ a daśdòt cōlp ad scùria e a soquànt méś ad parśòṅ, a pâr pròpria ch'la sò stòria cun la Jane la finìsa lè mo invéci l'infarméra la 'l spèta quànd 'l è mandâ lìbar. La dóna la gh cata anc un lavōr in dal sò uśdàł cuma autìsta.
Harry al s fà avànti incóra par cuncurdàr ad purtàr via da 'l sò càmion un càrag 'd antibiòtic da purtàr a 'l èstar. Quànd al cōlp al salta, al ricatadōr al và a catàr la Jane par cuntàr qvél ch'l à fat al sò muróś in dal bar, pò al próa anc a saltàr-'g adòs. La dóna, par difénd'r-as, la ciàpa na fòrbśa e la l'insfìlsa in dla pansa d'l óm, frénd-al in na manéra grâṿ tant che pò 'l óm al mōr. Bill al śibìs a la Jane ad scapàr via insém.