Pōls
|
C'l artìcol chè 'l è scrit in
Carpśàn |
Al pōls 'l è cla pert dal corp umàṅ ch'la stà tra la màṅ e 'l avanbrâs, pighènd-es anc in diferèinti manéri, vìst ch'l'è ùna dal tanti articolasiòun dal corp.
La só anatomìa
In di avscultamèint infermerìstic
I infermēr i "sàint'n al pōls" a quî ch'i s sàinten poc bèin, pugènd-egh du o tri dî in sìma a 'l só"pōls radiêl", a dìr a 'l intèren dal pōls eśvèin al'atacadùra dal dî grôs dla màṅ, che difât acsè chilōr i gh'la chèv'n ed sintìr-egh la frequèinsa di batit dal cōr, i só rìtem e la só putèinsa in dal cucèr al sanghev. Al "pōls" 'l è ùn 'd chi paràmeter vitêl, insèm ala frequèinsa dal respîr, la temperadùra e la presiòun, ch'a s sèint subìt quand na persòuna la n's sèint briśa in bòla.
I infermēr i àn pò ciamê "pōls" anca di èter punt dal còrp edla persòuna indû a s pōl valutèr, anca se in manéra un cinìn diferèinta, cal paràmeter chè, e dòunca a s dîś:
- "pōls radiêl", quêl ch'a s sèint a 'l intèren dal pōls;
- "pōls edla carótid", ch'a s sèint ed fiànc a 'l côl, in sìm'al'artéria carótid;
- "pōls femorêl", da sintìr in dl'atacadùra inguinèla dal còsi;
- "pōls poplìtev", ch'al s sèint dedrē a 'l śnôć;
- "pōls tibiêl", da sintìr atâc a 'l dedrē dal pē.
Vōś lighèdi
Manéri 'd dir
- (CARPŚ) Tastèr al pōls a 'n quelcdùn,[1] (IT) Sondare le intenzioni di qualcuno.
- (CARPŚ) Avér-egh dal pōls,[2] (IT) Sapere imporsi.
- (EGL) Druèr al pōls, (IT) Usare maniere severe.
- (BLG) Òmen ed påuls / påns,[3] (IT) Uomo energico / facoltoso.
Èter progêt
Wikimedia Commons contiene file multimediali su Pōls
Wikizionario contiene la voce di dizionario «Pōls»
Colegamèint estèren
- (IT) La vóś in sìm'a 'l vucabulàri Treccani.
- (IT) D'indû a deśvìn al só nòm in sìm'a etimo.it.