Frequèinsa dal respîr
|
C'l artìcol chè 'l è scrit in
Carpśàn |
(Lēś anca eli avertèinsi generèli a 'l riguêrd di cuntgnû di artìcol dla Wikipedia)
La frequèinsa dal respîr (frequenza respiratoria in itagliàṅ) l'è la quantitê di respîr ch'a sucēd ind un minût.
In generêl, cla frequèinsa chè la dipènd da l'etê dla persòuna e da c'm'a la s sèint. L'è abàsta élta in di putèin, pò a calèr un puchîn man a màṅ ch'i dvèinten ragasōl e pò anc ragâs, e ala fin a 'l persòuni grandi, ch'i s fìsen in na normalitê tra i 12 ai 20 respîr a 'l minût, a méno ch'i nn'àpien curs o ch'i n'staghen mìa bèin, e via descurènd.
Frequèinsi dal respîr in del persòuni
- Apèina nê: 30/ 60
- Putèin: 21-30
- Ragâs: 18-24
- Agìnt granda: 12-20
A secònda dla frequèinsa ch'a 's s espèta normalmèint in dal respîr, in dl ascultèr-el, a s dirà ch'l è:
- n′eupnèa quand la só frequèinsa l'è normèl
- na tachipnèa quand la só frequèinsa l'è più élta dal normèl
- na bradipnèa quand la só frequèinsa l'è più basa dal normèl
- na dispnèa quand p'r un quelc mutìv, al respìr 'l è difìcil, agitê
- n′apnèa quand la persòuna la n'tōś al fiê gnanc un pô
Valutèr la frequèinsa dal respîr ed na persòuna 'l è ùn di paràmeter ch'i jùten a capìr-en la salùt e a giustèr al tîr ed soquànti curi s'l è 'l chêś.
Vóś lighèdi
Èter progêt
Wikimedia Commons contiene file multimediali su Frequèinsa dal respîr
Colegamèint estèren
- (IT) La vōś in sìm'a 'l Vucabulàri Treccani.
- (IT) La frequèinsa dal respîr infîn ai 16 an, in dal sit amicopediatra.it.