Tinto Brass
|
C'l artìcul chè 'l è scrit in
Miranduléś |
Giovanni Brass, cgnusû méj cuma Tinto Brass (Milàṅ, 26 ed mèrz dal 1933) 'l è 'n regìsta, un senegiadōr, 'n atōr, un muntadōr e 'n ardupiadōr ad film itagliàṅ, carsû in dal Vènet.
'L è dvintâ famóś p'r al sò pelìculi purcùsi in du 'l à dâ 'n cuć a 'l caréri ad soquànti atōri itagliàni cuma la Stefania Sandrelli, la Serena Grandi, la Francesca Dellera, la Debora Caprioglio e la Claudia Koll.
In dal 2010 al s è candidâ a gl'elesiòṅ regiunàli in Vènet e in dal Lasi par la Lista Bonino Pannella.
Biugrafìa
Dòp ès'r-as laureâ in giurisprudénsa a Padva al capìs ch'la sò strada l'è qvéla dal cìnema, esénd 'n apasiunâ. A la fiṅ di an Sinquànta al và a star acsè a Parì in du 'l fà 'l archivìsta a la "Cinémathèque" par dū an par pò turnàr in Itàglia jutànd a la regìa Alberto Cavalcanti, Roberto Rossellini e Joris Ivens.
In dal 1963 al gira la sò prima pelìcula da par lò, Chi lavora è perduto (In capo al mondo), e al cuntìnua in di an Ssanta cun di àtar lavōr cuma Yankee e Nerosubianco scrit nEROSubianco in sla lucandìna. Tinto al pasa dabòṅ a 'l sès, misćiâ c'n al putēr e c'n i bèsi, cun Salon Kitty e anc c'n al film scàndal dal 1979 Io Caligola ch'i americàṅ ch'i ìvan prudót in part la pelìcula i aṅ pò cambiâ sénsa 'l sò parmés śuntànd-ag dal séni pòran.
In di an Utànta al regìsta venesiàṅ al gira soquànti dal sò pelìculi più cgnusùdi e 'd sucès cuma La chiave, Miranda, Paprika e Così fan tutte in du al fà cgnósar na śōvna e minga incóra ciśarōla Claudia Koll.
In dal 2002 al dà vita a 'n arfacimènt, a la sò manéra, dla pelìcula Senso ad Luchino Visconti, Senso '45, cun l'Anna Galiena, Gabriel Garko e la Loredana Cannata.
Filmugrafìa
Cuma regìsta
- 1963 - Chi lavora è perduto (In capo al mondo)
- 1964 - Ça ira, il fiume della rivolta - ducumentàri pulìtig
- 1964 - La mia signora - epiśòdi "L'uccellino" e "L'automobile"
- 1964 - Il disco volante
- 1966 - Yankee
- 1967 - Col cuore in gola
- 1968 - L'urlo
- 1969 - Nerosubianco
- 1970 - Dropout
- 1971 - La vacanza
- 1975 - Salon Kitty
- 1979 - Io Caligola
- 1979 - Action
- 1983 - La chiave
- 1985 - Miranda
- 1987 - Capriccio
- 1988 - Snack Bar Budapest
- 1991 - Paprika
- 1992 - Così fan tutte
- 1994 - L'uomo che guarda (film)
- 1995 - Fermo posta Tinto Brass
- 1998 - Monella
- 2000 - Tra(sgre)dire
- 2002 - Senso '45
- 2003 - Fallo!
- 2005 - Monamour
- 2009 - Hotel Courbet - curtumetràǵ
Cuma atòr
- 1999 - Ultimo metrò
- 2009 - Impotenti esistenziali