Paprika
|
C'l artìcul chè 'l è scrit in
Miranduléś |
 Paprika
| ||
 La Debora Caprioglio in na figùra dal film | ||
| id. 1991 | ||
|---|---|---|
| Regìa: Tinto Brass | ||
| Scritōr: John Cleland • Tinto Brass Bernardino Zapponi | ||
| Atōr: Debora Caprioglio • Stéphane Ferrara Stéphane Bonnet • Renzo Rinaldi • John Steiner Martine Brochard • Rossana Gavinel • Paul Muller | ||
| Müsica: Riz Ortolani | ||
| Léngua: Itagliàṅ | ||
| Dürä dal film: 111 minüt | ||
| Nasiōṅ: Itàglia | ||
Paprika (id.) 'l è 'n film eròtic dal 1991 ad Tinto Brass ch'l à fat cgnósar in Itâglia la Debora Caprioglio che chè la fà la prutagunìsta. La pelìcula la fà riferimènt in na manéra libra a 'l rumànś “Fanny Hill” ad John Cleland.
Sunt
La śōvna Mimma (Debora Caprioglio) l'è na bèla ragasōla ad Pòla ch'in dal prim dòp-guèra la decìd ad tgnir a drē a i cunsìli dal sò muróś Nino (Luigi Laezza) e ad pasàr quìndas dè in un burdèl giùst par métar quèl da na banda. C'n al nóm 'd art ad “Paprika” la dóna la taca acsè a lauràr par la Madame Colette (Martine Brochard) e dgém acsè ch'al mistēr dla rója la 'l impàra bèṅ anc parchè l'è na purcùsa ad prim órd'n ad suo. Al sò prim cliènt 'l è 'l marinâr Franco (Stéphane Bonnet) ma pò dimóndi àtar i gh vàṅ a lèt, anc sò sîṅ Lele (Riccardo Garrone).
Dòp avér mulâ al sò fidansâ, ch'al pinsàva sōl a i bèsi, la Mimma la sa spóśa c'n al cònt lumbàrd Bastiano (Renzo Rinaldi) ch'al la pòrta sèg a Còm giùst prima ad murìr e ad lasàr-'g incòsa. In cal méntar, a sém in dal 1958, la senadōra Lina Merlin la fà na léǵ ch'la sèra tut i caśèṅ in Itàglia.