The Eye - Lo sguardo
|
C'l artìcul chè 'l è scrit in
Miranduléś |
 The Eye - Lo sguardo
| ||
| Eye of the Beholder | ||
 Ewan McGregor in na figùra dal film | ||
| The Eye - L'uciàda 1999 | ||
|---|---|---|
| Regìa: Stephan Elliott | ||
| Scritōr: Stephan Elliott • Marc Behm | ||
| Atōr: Ewan McGregor • Ashley Judd • k.d. lang Geneviève Bujold • Don Jordan • Jason Priestley David Nerman • Janine Theriault • Patrick Bergin | ||
| Müsica: Marius De Vries | ||
| Léngua: Ingléś | ||
| Dürä dal film: 109 minüt | ||
| Nasiōṅ: Stat Unî • Cànada • Régn Unî • Austràglia | ||
The Eye - Lo sguardo (The Eye - L'uciàda) 'l è 'n thriller dal 1999 ad Stephan Elliott, arfacimènt dna pelìcula francéśa dal 1983, Mia dolce assassina, trata da 'n rumànś ad Marc Behm da 'l tìtul L'Occhio che guarda. 'L à muciâ sù dagnóra daśdòt migliòṅ ad dòlar a frònt però 'd un cóst ad trénta-sinc.
Al regìsta, par cl'òpra chè, 'l à vins al „Còruv 'd Argìnt“ a 'l Fèstival internasiunàł dal cìnema fantàstic ad Bruxelles dal 2000.
Sunt
Stephen Wilson (Ewan McGregor) 'l è 'n agìnt di servìsi segrét britànic ch'al lavóra a Washington. Al sò scutmàj 'l è "The Eye" (’L Òć) e al n è mai stâ bòṅ 'd cavàr-as da la tèsta 'l pinsēr ad sò fiōla pìcula, la Lucy (Anne-Marie Brown e Kaitlin Brown), purtàda via da la sò èx mujēr. Al gh'à da spés di alucinasiòṅ in du 'l véd la sò putìna.
Al sò ùlt'm incàrag 'l è qvél ad tgnir 'd òć na dóna, la Joanna Eris (Ashley Judd), suspetàda 'd ricatàr Paul Hugo (Steven McCarthy), al fiōl 'd un senadōr americàṅ. Tgnénd-'g adrē, 'l óm al gh'à la manéra 'd védar la dóna masàr-'l a scurtlàdi cun na pirùca in cô e pò butàr-'l in un laghét par lugàr al cadàvar. In séguit la Joanna la cópa 'n àt'r óm in dla stasiòṅ ad Pittsburgh. Invéci ad ciamàr la pulisìa, The Eye al la lasa andàr via. Chi lò al vîṅ pò a savēr che la Joanna l'à patî 'n tràuma quànd da pìcula l'è stada bandunàda par sò pàdar e adès la fà fadìga a 'vēr di rapòrt saṅ c'n i masć.
Quànd l’Eris la taca na relasiòṅ c'n un ragàs òrub, Alexander Leonard (Patrick Bergin), The Eye al s rénd cònt 'd èsar gelóś 'd lē e ch'al n pōl minga cumpatìr-as l'idéa 'd lasàr-la andàr via.