San Pusidóni
| C'l artìcul chè 'l è scrit in Miranduléś | 
|
Artéccol in dialètt mudnés
Evoluzione demografica
San Pusidóni (San Possidonio in italiàn, 3.783 abitànt) 'l è un paiśèṅ in pruìnsa 'd Mòdna ch'al fà part di nóṿ cumùṅ dl'Uniòun cumùn Mudnéś Area Nord. Al dista 35 km da Mòdna.
Nutìsi dal paéś
Avenimènt stòric
Al teritòri 'd San Pusidóni 'l era abitâ fiṅ da i tèmp di Rumàṅ, 'l è fàcil cuma stasiòṅ pìcula (ciamàda “Garfagnana”) p'r i pasaǵ da la via Emilia in diresiòṅ 'd Ustìglia. Dòp gl'invaśiòṅ di bàrbar, a n s in sà più gnint in fiṅ a 'l ēṿ mèdi quànd tut al teritòri al fava part dal distrét arśàṅ e dal régn di Lungubàrd.
In un ducumènt dal 962 a s dascór ad la Céśa 'd San Pusidóni quànd al véscuv Azzo ad Réś 'l iva tòlt da Luduvìg II al relìqui dal sant. Dopa èsar stâ sóta a i marchéś dla Tuscàna, in di prim aṅ dal XIV sécul, San Pusidóni al pasa a i Pic ad La Miràndla e pò a gl'Esténs ad Mòdna in dal 1710.
In dal 1789 a nas a San Pusidóni al prēt carbunàr Don Giuseppe Andreoli, masâ pò p'r al duca 'd Mòdna Fransésc IV p'r èsar-'s mis cònt'r al stat.
In d'l Agóst dal 1859 San Pusidóni al pasàva a 'l régn ad Sardéggna dòp na cunsultasiòṅ referendària.
Taramòt dal Maǵ dal 2012
San Pusidóni 'l à patî in manéra fòrta i taramòt dl'Emìglia dal 2012 ch'i aṅ fat di brut dan a 'l campanìl e a la céśa. Na scòsa 'd asestamènt ad magnitûd 5.3 l'è vgnuda pròpria lè al 29 ad Maǵ. A 'ndàr a sirà, in cal dè lè, i èṅ rivâ da la Tuscàna e da 'l Lasi quéi dla prutesiòṅ sivìla ch'i aṅ mis sù dū tendòpuli, in dal vilàǵ artigiàṅ e in dal camp spurtìṿ, par quéi ch'i gh'ìvan la cà inagìbila o vgnuda śò. Al 23 ad Dicémbar al sìndig Rudi Accorsi 'l à pò tajâ al nàstar par dar 920 mòdui abitatìṿ pruviśòri a la gint sénsa cà.
Ròbi curióśi
A San Pusidóni a gh'è dimóndi camp par la cultivasiòṅ di pir (Abate, William, Kaiser, Conference e Decana) e dal furmintòṅ.
Par Nadâl in dla Villa Varini, ch'l'è stada fata in dal '700, a s tîṅ un preśèpi animâ ch'al ciàma dimóndi gint a ved'r-al.
Par San Pusidóni a gh pasa al fiùm Sécia ch'al fà anc da cunfìṅ cun la frasiòṅ ' Arvrē e c'n al cumùṅ ad Nóṿ.
I Pusidiéś i aṅ ciapâ mediamènt 16.910 euro in dal 2005.
-
Al vèć pós ad petròli ad San Pusidóni -
La piàsa ad San Pusidóni cun al paltèṅ -
La Vila Rósa ad San Pusidóni
Ardundlà · Bastìa · Bumpòrt · Campgaiàn · Campsànt · Chèrp · Castelfrànch · Castelnóv · Castelvéder · Cavèss · Fanàn · Finèl · Fiumèlb · Fiuràn · Furmézen · Frasnùr · Gùia · La Cuncòrdia · La Miràndla · La Sèra · Làma · Maranèl · Maràn · Medòla · Mòdna · Muntecrê · Muntfiurèin · Muntés · Nonàntla · Nóv · Palàghen · Pavóll · Pergnàn · Pivpélegh · Pulinègh · Ravarèin · San Felìz · San Gèr · San Pròsper · San Pussidòni · Sasól · Savignàn · Sèstla · Suléra · Spilambèrt · Vgnóla · Zòca