Relic - L'evoluzione del terrore
|
C'l artìcul chè 'l è scrit in
Miranduléś |
 The Relic
| ||
| Relic - L'evoluzione del terrore | ||
 Tom Sizemore in na figùra dal film | ||
| Relic - L'evulusiòṅ dal terōr 1997 | ||
|---|---|---|
| Regìa: Peter Hyams | ||
| Scritōr: Lincoln Child • Douglas Preston Amy Holden Jones • Rick Jaffa John Raffo • Amanda Silver | ||
| Atōr: Penelope Ann Miller • Tom Sizemore Linda Hunt • James Whitmore • Clayton Rohner Chi Muoi Lo • Thomas Ryan • Constance Towers | ||
| Müsica: John Debney | ||
| Léngua: Ingléś | ||
| Dürä dal film: 110 minüt | ||
| Nasiōṅ: Stat Unî • Régn Unî Germàgna • Giapòṅ • Śelànda Nóva | ||
Relic - L'evoluzione del terrore (Relic - L'evulusiòṅ dal terōr) 'l è 'n film ad scarésa fantàstic dal 1997 ad Peter Hyams ch'al tōś ispirasiòṅ da i rumànś Relic e Reliquary ad Lincoln Child e 'd Douglas Preston.
Al film 'l à muciâ sù dagnóra sinquànta migliòṅ ad dòlar.
Sunt
'L antrupòlug John Whitney (Lewis Van Bergen), in Amaśògna par cònt dal Muśèo 'd Stòria Naturàla 'd Chicago, in dal méntar ch'l è drē a studiàr na tribù dal pòst, al bév na paparùcia a baś 'd cagapùi preparàda da lōr. Pôc tèmp dòp al mònta insìma a na nâṿ dirèta in Illinòis parchè al vrév tōr indrē dla ròba ch'l iva cargâ da purtàr a 'l muśèo. Quànd siē stmani dòp la nâṿ la riva finalmènt in dal Lâg Michigan, a bōrd a n gh'è piò ninsòṅ. Al detective d'l umisìdi Vincent D'Agosta (Tom Sizemore) e 'l sò culéga Hollingsworth (Clayton Rohner), faghénd dgl'indàśin, i càtan finalmènt tut i mémbar d'l equipàǵ mòrt, cun la tèsta tajàda via.
La dutōra Margo Green (Penelope Ann Miller), insém a 'l dutōr Albert Frock (James Whitmore), i guàrdan dènt'r a 'l casi par védar cuś a gh'è dènt'r e i li càtan vōdi a part na statṿa 'd préda dal Dio "Kothoga" pugiàda su dal fój in du a gh'è 'n funś cun di pès mutâ 'd DNA dal bèsti. Cla nòt lè al guardiàṅ dal muśèo, Fred Ford (Jophery C. Brown), al vîṅ masâ da na criatùra misterióśa ch'la gh sćiànca via 'l cô par magnàr-ag 'l ipotàlam.