Redneck Roots
|
C'l artìcul chè 'l è scrit in
Miranduléś |
 Redneck Roots
| ||
 Dan Cox su 'n tratōr acesuriâ in na figùra dal film | ||
| Raìś Redneck 2011 | ||
|---|---|---|
| Regìa: Joanne Hock | ||
| Scritōr: Joanne Hock | ||
| Atōr: Dean Napolitano • Dan Cox • Grandma Lee Stephen Ware • Jeff Hamrick • Kevin L. Johnson Austin Filson • Tonya Bludsworth • Mitzi Corrigan Heather Gilliland • Abby Corrigan • Gina Stewart | ||
| Müsica: Fred Story | ||
| Léngua: Ingléś | ||
| Dürä dal film: 79 minüt | ||
| Nasiōṅ: Stat Unî | ||
Redneck Roots (Raìś Redneck) l'è na cumèdia americàna dal 2011 dla Joanne Hock che, cun cal lavōr chè, l'à vins al prèmi par la cumèdia più bèla a 'l Buffalo Niagara Film Festival.
'L è stâ girâ tut in dla Carulìna dal Nòrd.
Sunt
La Crystalynn Dowdy (Heather Gilliland) l'è na śuvnòta „dixie“ bèla e ambisiōsa ch'la daśvîṅ da i stat dal sud di Stat Unî ma ch'l'è andàda a star a 'l nòrd in du l'à catâ anc 'l amōr, un ragàs mòr ciamâ Ben (Dean Napolitano), ebrèj dal New England.
Un dè a ciàma sò surèla, l’Amber Jo (Carol Anne Watts), parchè l'à ciapâ 'l diplòma e la vrév festegiàr in famìja, cun sò pàdar (Dan Cox), capèl ad pajà in cô, canutéra e latìni 'd bira a róta 'd còl, sò màdar Estaleen (Gina Stewart), na dóna dimóndi religióśa ma c'n al Diàvul a 'l pòst dla léngua, e la nóna (Grandma Lee), na vècia śbucàda ch'la diś sèmpar qvél ch'la pénsa. La Chris, ch'la s vargóggna tròp dal sò raìś e 'd far cgnósar la sò famìja 'd redneck patintâ a 'l sò muróś, la decìd ad partìr sénsa dir-ag gnint. Ma Ben 'l è tròp gelóś e al gh và adrē.