Non aprite quella porta IV
|
C'l artìcul chè 'l è scrit in
Miranduléś |
 Texas Chainsaw Massacre:The Next Generation | ||
| Non aprite quella porta IV | ||
 McConaughey e la Zellweger in na figùra dal film | ||
| Minga vèrar c'l us là IV 1994 | ||
|---|---|---|
| Regìa: Kim Henkel | ||
| Scritōr: Tobe Hooper • Kim Henkel • Robert Kuhn | ||
| Atōr: Renée Zellweger • Matthew McConaughey Tonie Perensky • Joe Stevens • Robert Jacks | ||
| Müsica: Wayne Bell • Robert Jacks | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Non aprite quella porta IV (Minga vèrar c'l us là IV, in léngua uriginàla Texas Chainsaw Massacre: The Next Generation o anc The Return of The Texas Chainsaw Massacre) 'l è 'n film ad scarésa dal 1994 scrit e dirèt par Kim Henkel ch'l iva dâ 'l sò cuntribùt anc a 'l senegiadùri dal primi pelìculi dla sèrie.
Al film 'l à psû cuntàr su 'n budget ad siesènt-mila dòlar ma al 'n à pò fat sù gnanc duśènt-mila.
Sunt
Tèxas, 22 ad Maǵ dal 1996. Sean (John Harrison), la Jenny (Renée Zellweger), Barry (Tyler Cone) e l’Heather (Lisa Marie Newmeyer) i èṅ quàtar śuvnòt dirèt a 'l bal dla scóla. Dòp na litgàda i faṅ 'n incidènt in màchina e qvél ch'al guidàva cl'atra màchina al pèrd i sèns. Méntar Sean al gh tîṅ adrē, chi àtar tri i vaṅ a pascàr ajùt e i càtan na dóna ad nóm Darla (Tonie Perensky) ch'la gh diś ch'i pōlan dmandàr a sò marè Vilmer (Matthew McConaughey) ad giustàr la sò màchina buciàda. Ma chi lò invéci 'l è bèla là a cupàr i dū ragàs.
Méntar la Jenny la tórna indrē da Sean, l’Heather e Barry i s davśìn'n a na cà par védar s'a gh'è qualchidòṅ dèntar e qualchidòṅ a gh'è dabòṅ, Walter (Joe Stevens), al fradèl ad Vilmer, ch'al gh'à in maṅ un sćiòp. Insém a lò anc al fradèl insiminî “Ghigna 'd Curàm” (Robert Jacks), la famìja di maslàr dal Tèxas. L’Heather la finìs subìt in dal freezer e pò atàc a 'n unsèṅ par nimài. In cal méntar la Jenny la dmanda 'n pasàǵ a Vilmer ch'al gh fà véd'r i cadàvar ch'l à péna cupâ. La ragàsa la scapa via ma lò al gh cur adrē.
La Sèrie
- Non aprite quella porta (The Texas Chainsaw Massacre, 1974), ad Tobe Hooper
- Non aprite quella porta 2 (The Texas Chainsaw Massacre II, 1986), ad Tobe Hooper
- Non aprite quella porta 3 (Leatherface: The Texas Chainsaw Massacre III, 1990), ad Jeff Burr
- Non aprite quella porta IV (The Return of the Texas Chainsaw Massacre, 1994), ad Kim Henkel
- Non aprite quella porta (The Texas Chainsaw Massacre, 2003), ad Marcus Nispel - 'L arfacimènt
- Non aprite quella porta - L'Inizio (The Texas Chainsaw Massacre - The Beginning, 2006), ad Jonathan Liebesman - Al prequel
- Non aprite quella porta 3D (2013), ad John Luessenhop