Non aprite quella porta 3
|
C'l artìcul chè 'l è scrit in
Miranduléś |
 Non aprite quella porta 3
| ||
 La Tara Buckman in na figùra dal film | ||
| Minga vèrar c'l us là 3 1990 | ||
|---|---|---|
| Regìa: Claudio Fragasso • Bruno Mattei | ||
| Scritōr: Rossella Drudi • Claudio Fragasso | ||
| Atōr: Tara Buckman • Peter Hooten • Mel Davis Richard Foster • Lee Lively • Tova Sardot | ||
| Müsica: Carlo Maria Cordio | ||
| Léngua: Ingléś | ||
| Dürä dal film: 90 minüt | ||
| Nasiōṅ: Itàglia • Stat Unî | ||
Non aprite quella porta 3 (Minga vèrar c'l us là 3), cgnusû anc cuma Night Killer, 'l è 'n film ad scarésa dal 1990 ad Claudio Fragasso ch'al s firma Clyde Anderson. Al parti splatter dla pelìcula i èṅ stadi giràdi par Bruno Mattei.
'L è stâ girâ a Róma e in Virgìgna druànd di atōr americàṅ. Al tìtul dal film al fà riferimènt a la saga 'd Leatherface, tacàda in Itàglia cun Non aprite quella porta dal 1974, mo invéci al n gh'èntra pròpria par gnint.
Sunt
In dla sità 'd Virgìgna Beach, un sasèṅ seriàł cun na mascra adòs al taca a masàr dal dóni śōvni druànd un guànt cun dal grinfi ch'i gh sarvìsan par śbuśìr-'g al pansi. La sò tèrsa vitma la prév èsar la Melanie Beck (Tara Buckman), na dóna divìśa da sò marè cun na fiōla ciamàda Clarissa (Tova Sardot), ma chi lē la s salva a 'l ùltim anc par via d'l ajùt 'd un sò vśèṅ 'd cà, Sherman Floyd (Richard Foster).
Purtròp par lē, al tràuma ch'l'à patî l'è tròp fòrt p'r arcurdàr-as 'l epiśòdi, in du l'è anc stada bòna 'd cavàr via la mascra a 'l sasèṅ ch'l'à vdû dònca in ghigna. Al sò psicòlug, al dutōr Willow (Lee Lively), l'è in pinsēr par la Melanie par via dla sò situasiòṅ e p'r al fat ch'la n gh l'à minga cavàda a pasàr-'g insìma esénd ch'l'à anc tintâ 'd tōr-as la vita.
Un dè la dóna la sparìs, purtàda via da 'n óm ciamâ Axel (Peter Hooten).