C'l artìcul chè 'l è scrit in Miranduléś Emiliàn

Tobe Hooper tòlt śò a Venèsia in dal 2014


William Tobe Hooper (Austin, 25 ad Śnar dal 1943 – Sherman Oaks, 26 'd Agóst dal 2017), cgnusû méj cuma Tobe Hooper, 'l è stâ 'n regista, senegiadōr, atōr e prudutōr ad film americàṅ, specialiśâ in qvéi 'd scarésa.

Biugrafìa

In di an Ssanta Tobe Hooper al tira avànti faghénd al prufesōr in un culéǵ americàṅ, pò in dal 1969 al gira la sò prima pelìcula dramàtica, Eggshells, che però l'è 'n fiàsc. Sinc an dòp al regìsta texàṅ al gh próa incóra dand vita a 'n film ad scarésa indipendènt, Non aprite quella porta, fat druànd di sò culéga insgnànt e soquànt studènt cuma atōr. Cl'òpra chè la càmbia la stòria dal cìnema 'd scarésa dvintànd una dal più impurtànti dal gènar cun dimóndi séguit e arfacimènt, al prim dirèt pròpria da lò in dal 1986, Non aprite quella porta 2.

Hooper al taca acsè na caréra da mìstar di film dal śgriśōr cuma Quel motel vicino alla palude (1977) cun Robert Englund, Il tunnel dell'orrore (1981) e Poltergeist - Demoniache presenze (1982) in culaburasiòṅ cun Steven Spielberg.

In di an Nuànta al gira soquànti pelìculi par la TV, cuma Vestito che uccide e Body Bags - Corpi estranei, e 'n film trat da 'n rumànś ad Stephen King, The Mangler - La macchina infernale.

Culegamènt estéran