Nave fantasma
|
C'l artìcul chè 'l è scrit in
Miranduléś |
 Ghost Ship
| ||
| Nave fantasma | ||
 La Francesca Rettondini in na figùra dal film | ||
| Nâṿ fantàśma 2002 | ||
|---|---|---|
| Regìa: Steve Beck | ||
| Scritōr: Mark Hanlon • John Pogue | ||
| Atōr: Gabriel Byrne • Julianna Margulies Francesca Rettondini • Ron Eldard • Karl Urban Desmond Harrington • Alex Dimitriades | ||
| Müsica: John Frizzell • Chad Gray Micha Liberman • Alec Wilder | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî • Austràglia | ||
Nave fantasma (Nâṿ fantàśma) 'l è 'n film ad scarésa dal 2002 ad Steve Beck, prudót par la Dark Castle Entertainment ad Robert Zemeckis, ch'al tōś ispirasiòṅ da la tragèdia dal tranśatlàntic Andrea Doria dal Luj dal 1956. Custâ vint migliòṅ ad dòlar, al 'n à fat sù ssant'òt.
In dal film a gh'à na part anc l'itagliàna Francesca Rettondini, in dal 2012 a bórd dla Costa Concordia andàda a fónd davànti a l'Ìśula dal Gili[1], che chè la canta Senza Fine ad Gino Paoli cun la vóś dla fiōla 'd Henry Mancini, la Monica.
In dla pelìcula, in sima a la barca, i s càtan dimóndi scrit in itagliàṅ ma tradót a la cas ad caṅ, cuma Viaggendo solo a 'l pòst ad Viaggiando sola, Pigro a 'l pòst ad Fermo o Veleno di attenzione a 'l pòst ad Attenzione! Veleno[2].
Sunt
In dal Maǵ dal 1962, mént'r al tranśatlàntic itagliàṅ "Antonia Graza" 'l è drē a navigàr in di àqui dal Mar ad Bering, la gint la s divertìs balànd un lènt cantâ in na ciàṿ jazz da la Francesca (Francesca Rettondini). Al capitàṅ dla nâṿ, vdénd ch'na putìna (Emily Browning) l'è sintàda da par lē in un cantòṅ, al gh śibìs ad balàr sèg. Tut 'd un trat a partìs a raś un câv ad fil 'd fèr bèl grôs ch'al i taja tut a mèś. I móran tut a part la putìna ch'la s salva parchè la n è minga tant élta. Dòp la daśgràsia, a n s sà più gnint dla nâṿ.
Sōl quarànt'an dòp al rutàm dal tranśatlàntic al vèṅ catâ e soquànt óm e dóni i decìdan ad muntàr-ag sù par purtàr via da 'd là di śavài e di quèi ad valōr. Al grup, guidâ p'r al capitàṅ Sean Murphy (Gabriel Byrne), al s rènd cònt che là insìma i s càt'n i spìrit d'l equipàǵ 'd in alóra, prònt a vindicàr-as dal masàcar ch'i ìvan patî.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTV
- (IT) La schéda dal film in sal sit dla Cunferénsa Episcupàla
Nòti
- ↑ Rettondini, 'n arbgàt la mè prima cruśéra ansa.it, 16 ad Śnar dal 2012
- ↑ Fantàśma ad nâṿ doppiaggiitalioti, 9 ad Favràr dal 2011