Francesca Rettondini
|
C'l artìcul chè 'l è scrit in
Miranduléś |
La Francesca Rettondini (Veróna, 7 ad Mars dal 1971) l'è n'atóra itagliàna.
L'è stada la muróśa dal cundutōr televiśìṿ Alberto Castagna[1] e l'éra in sla naṿ Concordia quànd l'è andàda a fónd al 13 ad Śnar dal 2012 davànti a l'Ìśula dal Gili[2].
Biugrafìa
La fà 'l sò eśòrdi in dal mónd dal spetàcul in dal 1993 faghénd l'atōra in dla soap opera par la televiśiòṅ Passioni e pò in dla sèrie I ragazzi del muretto 2. In dal 1995 la lavóra cun Enrico Montesano in Pazza famiglia e pò la gira 'l sò prim film, Ragazzi della notte ad Jerry Calà. In séguit la gira Ninfa plebea par la Lina Wertmüller in dal 1996 e La cena p'r Ettore Scola in dal 1998. In dal 2002 la lavóra in di Stat Unî in dal film ad scarésa Nave fantasma.
L'à laurâ dimóndi anc in televiśiòṅ in di prugràma Notti Rock, Sereno Variabile, Stranamore (insém a Alberto Castagna), Mare Moda Positano, Bellissima e Adventure Film Festival. In dal 2005 la tōś part cuma cuncurènta a 'l reality game La Talpa finénd quàrta. 'L an dòp la rècita in dla soap opera CentoVetrine in dua la fà la part dla Gloria Raggi.
Filmugrafìa
- 1995 - Ragazzi della notte, regìa ad Jerry Calà
- 1996 - Una donna in fuga, regìa ad Roberto Rocco
- 1996 - Un inverno freddo freddo, regìa ad Roberto Cimpanelli
- 1996 - Ninfa plebea, regìa dla Lina Wertmüller
- 1998 - La cena, regìa 'd Ettore Scola
- 1999 - T'amo e t'amerò, regìa ad Nini Grassia
- 2000 - Senza paura, regìa ad Stefano Calvagna
- 2000 - Il conte di Melissa, regìa ad Maurizio Anania
- 2002 - Nave fantasma, regìa ad Steve Beck
- 2003 - Cronaca rosa, regìa dla Stefania Girolami Goodwin
- 2004 - Due volte Natale, regìa ad Marco Falaguasta
- 2005 - L'apocalisse delle scimmie, regìa ad Romano Scavolini
- 2008 - La clessidra, regìa dla Rachel Bryceson Griffiths
- 2009 - Nient'altro che noi, regìa 'd Angelo Antonucci
- 2010 - Nero Infinito, regìa ad Giorgio Bruno
- 2011 - Baci Salati, regìa 'd Antonio Zeta
Culegamènt estéran
Nòti
- ↑ La Rettondini la fà savēr: «A n ò mai śmis 'd amàr Castagna» ilgiornale.it, 15 ad Maǵ dal 2006
- ↑ Rettondini, 'n arbgàt la mè prima cruśéra ansa.it, 16 ad Śnar dal 2012