| C'l artìcul chè 'l è scrit in Arzân |
|
«
Tutt el mond a l'è paes, a s'emm d'accòrd, ma Milan, l'è on gran Milan.»
(La Madunina)
Milân (in italiân Milano e in lumbêrd Milan) l'é la sitê pió grânda ed tóta l'êlta Itâlia, l’a ‘s câta int la bâsa ed la Lumbardéia, la regiòun pió réca ed la nasiòun. I só abitânt a’s ciâmen milanèiṣ, mó în cgnussû ânca cme meneghèin, per la mâschera ed caranvêl ed Meneghèin.
La sitê l' gh’à bèle 1.3 miliòn d'abitânt, mó la só periferéia l' arivarà a 4 miliòn.
Al nòm ed Milân al deṣvîn da la parôla cêltica Mid-lan, ch' la vré dîr int al mèz ed la bâsa. L'é dvintê Mediolanum cun i rumân. I tedèsch la ciamêven (e la ciâmen) Mailand perchè quând a rîven zò agh sèmbra d'èser in premavèira ânca s’ l’é invêren.
Tra i monumèint e i palâs famōs ed Milân a gh’é d' arcurdêr al Dôm, al Castèl Sfurṣèsch cun i só muséi e al teâter ed la Scala.
A Milân a gh’în dal famôsi cà ed la môda e al sô butèighi în in via Montenapoleone e ind la Galaréia Vittorio Emanuele ch' l’ é cunsidrêda la zôna d’ acquést pió vècia dal mònd. Quisché àn fât dvintêr Milân òna dal sitê mundiêli ed la môda, cme Parîs, Lòndra e Neviòrk.
A Milân a’s câten ânca dô squêdri ed balòun, al Milan e l' Inter, che insèm àn vînt vintnôv scudèt, sèt Còpi di campiòun, e sînch còpi intercuntinentêli.
Al lôr stâdio l'é al Giuseppe Meazza, dedichê a ûn di pió grând zugadōr ed balòun italiân.
Al séndech ed Milân l'è 'l sgnor Giuliano Pisapia (2011).
Milân l'é capitêla ed la só pruvîncia
Êtri fotograféi
Milân - al Cenâcol ed Leonardo
La basélica ed Sân Lorèins d'invêren
Al cèinter ed Milân int al 1158
«
Tutt el mond a l'è paes, a semm d'accòrd, ma Milan, l'è on gran Milan.»
(La Madunina)
Milàn (in lunbèrd Milan es in in itagliàn Milano) l'é la zitè pió granda ed tótta l'èlta Itâglia, la s câta int la bâsa dla Lunbardî, la regiån pió récca dal stèt. I sô abitànt i s ciâmen milanîṡ, mo î én cgnusó anc cme meneghén, par la mâschera ed caranvèl ed Meneghén.
La zitè l'à bèle 1.3 migliån d abitant, mo la sô ârea metrupulitèna l'arivarà a 6.5 migliån.
Al nómm ed Milàn vén da la parôla cêltica Mid-lan, ch'la vré dîr int al mèż dla bâsa. L'é advintè Mediolanum cun i romàn. I tudéssc i la ciamèven (e la ciâmen) Mailand parchè quand i arivénn żå ai parèva ed stèr in premavaira anca s l êra invêren.
Stra i monumént e i palâz famûṡ ed Milàn as à d arcurdèr al Dôm, al Castèl Sfurzassc cun i sô muṡî e al teâter dla Scala.
A Milàn ai én äl famåuṡi cà dla môda e al su butaig (in via Montenapoleone e int la Galarî Vitòri Emanuêl, ch'la s cunséddra l'ârea ed shopping pió vècia dal månd). Sti qué i an fât advintèr Milàn óṅna däl zité mundièl dla môda, cme Parîṡ, Lånndra e Neviòrrk.
A Milàn as trôven anca dåu scuêder ed balån, al Milan e al Inter, ch'insamm i an träntaquâter scudétt, sèt Cåpp di Canpión, e zénc Cåpp intercuntinentèl.
Al låur stâdi l é al Giuseppe Meazza, dedichè a Pepén Meazza, ón di pió grand żugadûr ed balån itagliàn.
Al sénndic ed Milàn l é al sgnåur Giuseppe Sala (2021).
Milan l'é capitèl dla sô pruvénzia.
Èter futugrafî
Milàn - al Znâcuel ed Leonèrd
La baṡéllica ed San Luränz d invêren.
Al zänter ed Milàn ed 1158.
«
Tutt el mond a l'è paes, a s'emm d'accòrd, ma Milan, l'è on gran Milan.»
(La Madunina)
Milan (in italian Milano e in lunbèrd Milan) l'è la citä püsè granda d' l'Italia dal nord, e la s' tröva in d' la pianüra d' la Lumbardia, la region püsè rica, svilüpä e cun pö abitant d' la nasion. Milan l'é capitäla d'la so pruvincia e d'la Lumbardia. I sò abitant i s' ciaman milanés.
La citä la gh'a 1.3 milion d'abitant, ma la so area metrupulitana la 'riva a 4 milion.
Al num ad Milan al vegna da la parola celtica Medelhan, ca 'la völ dì in mez a la pianüra. Po a l'é dvintä Mediolanum cun i ruman. I tudësch il la ciamävan (e la ciaman amò) Mailand parchè quand che i so popul i eran 'rivä zu a g' parìva da viv in d'un clima primaveril anca d'inveran.
Di so monümëint e i palasi famus gh'é da ricurdä 'l Dom, al Castel Sforzesco cun i so müsei e 'l Teatar a la Scala.
A Milan i gh'en il famus cà d' la moda e i so negosi (in via Montenapoleone e in d'la Galeria Vittori Emanüel, ch' i en cunsiderä l'area da shopping püsè vecia in dal mond). Chil cà ché i han fat dvintä Milan vüna dil citä mundiäli d' la moda, cmé Parìś, Lòndra e New York.
A Milan i gh'en anca dü squädri ad balon, al Milan e l' Inter, che insëma i han vinsì vëintanöv scüdët, sètt Cupi di Campion, e sëincu Cupi Intercuntinentäli. Al so städi l'é 'l Giuseppe Meazza, intitulä a voin di püsè grand zügadur ad balon italian.
Al sëindich ad Milan l'é 'l siur Giuliano Pisapia (dal 2011).
Àtar futugrafìi
Milàn - al Znacuel ed Leonard
La basílica ed San Luränz d'inveren
Al zänter ed Milàn ed 1158
Artécol in dialèt arzân
_-_The_Last_Supper_(1495-1498).jpg)
