Maya Angelou
|
C'l artìcul chè 'l è scrit in
Miranduléś |
La Marguerite Annie Johnson, cgnusùda méj cuma Maya Angelou, (Saint Louis, 4 'd Avrìl dal 1928 - Winston-Salem, 28 ad Maǵ dal 2014) 'l è stada na puetésa, atōra e balarìna americàna.
In dal 2011 al presidènt di Stat Unî Barack Obama al gh'à dâ la Mdaja presidensiàla dla libertà.
Biugrafìa
Dvintàda màd'r a darsèt an, l’Angelou la s è inśgnàda a far dimóndi mistēr par tiràr avànti cuma la camaréra, la cōga, la balarìna e la scaja. In séguit la s è misa a far anc la giurnalìsta (finalìsta a 'l Prèmi Pulitzer par la pueśìa), l'insgnànta in Ghana, la scritōra, la regìsta e la prudutōra 'd drama a teàtar. In dal 1977 l'à tòlt part a la série TV “Raìś”.
In dal 1982 la taca a insgnàr in dla Wake Forest University 'd Winston-Salem in dla Carulìna dal Nòrd. Da sèmp'r atìva p'r i muimènt di dirìt sivìl, l'à laurâ cun Malcolm X, cgnusû in Àfrica, e cun Martin Luther King, Jr.. In dal 1993 l'à lèt la pueśìa «On the Pulse of Morning» durànt la serimògna 'd insediamènt a la presidénsa 'd Bill Clinton.
Filmugrafìa
- 1957 - Cuban calypso, regìa ad Fred F. Sears
- 1959 - Porgy and Bess, regìa 'd Otto Preminger e 'd Rouben Mamoulian
- 1993 - Poetic Justice, regìa ad John Singleton
- 1995 - Gli anni dei ricordi (How to Make an American Quilt), regìa ad Jocelyn Moorhouse
- 2006 - Madea's Family Reunion, regìa ad Tyler Perry
Culegamènt estéran
Àtar prugèt
Wikiquote contiene citazioni di o su Maya Angelou
Wikimedia Commons contiene file multimediali su Maya Angelou
