Macha Méril

C'l artìcul chè 'l è scrit in Miranduléś

La Maria-Magdalena Vladimírovna Gagárina, cgnusùda méj cuma Macha Méril (Rabàt, 3 ad Setémbar dal 1940), l'è n'atōra e scritōra francéśa cun di urìgini rusi. I sò genitōr i éran difàti scapâ via da la Rùsia dòp la rivulusiòṅ.

In dla sò caréra l'à recitâ, fra i àtar, in di film Profondo Rosso ad Dario Argento, Bella di giorno ad Luis Buñuel e Roulette cinese ad Rainer Werner Fassbinder, inóltar l'à scrit soquànt rumànś e lìb'r ad cuśìna e recitâ da spés a teàtar.

Da 'l Setémbar dal 2014 l'è spuśàda c'n al cumpuśidōr Michel Legrand dòp avér divursiâ da 'l regìsta rumagnōl Gian Vittorio Baldi ch'al l'à dirèta in La notte dei fiori dal 1972 e in L'ultimo giorno di scuola prima delle vacanze di Natale dal 1975.

Biugrafìa

Nada in Maròc, la Méril la và a star dagnóra subìt a Antîb, in dal sud dla Frància in du sò pàdar Vladimir, rifugiâ biànc, al fà 'l cuntadèṅ e al cultìva la vida. Quànd chi lò al mōr in dal 1947 sò màdar Marija Belskij la la tōś sèg a Parì in dua la Macha la s iscrìv a l'università faghénd létri sénsa però laureàr-as parchè la taca a studiàr recitasiòṅ tant ch'a 'l inìsi di an Ssanta la tîṅ adrē a di cōrs a 'l Actor's Studio ad New York.

La Méril la gira acsè i sò prim film par di impurtànt regìsta francéś cuma Éric Rohmer, Roger Vadim e Jean-Luc Godard e anc Bella di giorno insém a la Catherine Deneuve, a Jean Sorel e a Michel Piccoli. In di an Stanta la riva in Itàglia par giràr L'amore coniugale dla Dacia Maraini trat da n'òpra 'd Alberto Moravia. In dal 1975 la fà la para-psicòluga Helga Ulmann in dal thriller ad Dario Argento Profondo Rosso in dua la mōr a cōlp ad manarèṅ. 'L an dòp l'è prutagunìsta dla cumèdia Perdutamente tuo... mi firmo Macaluso Carmelo fu Giuseppe e la fà la part dna muta in Roulette cinese.

In dal 1986 la vîṅ numinàda p'r i Prèmi César par la sò part in dal film Senza tetto né legge cun la Sandrine Bonnaire, pò la taca a lauràr da spés a teàtar.

Filmugrafìa

1960 - La mano calda (La Main chaude), regìa ad Gérard Oury
1960 - Une question d'assurance, regìa ad Pierre Kast
1962 - Le bugie nel mio letto (Adorable Menteuse), regìa ad Michel Deville
1962 - Il segno del leone (Le signe du lion), regìa 'd Éric Rohmer
1962 - Il riposo del guerriero (Le Repos du guerrier), regìa ad Roger Vadim
1964 - Le 5 mogli dello scapolo (Who's Been Sleeping in My Bed?), regìa ad Daniel Mann
1964 - Nel bene e nel male (Françoise ou La vie conjugale), regìa 'd André Cayatte
1964 - La vita coniugale (Jean-Marc ou La vie conjugale), regìa 'd André Cayatte
1964 - Una donna sposata (Une femme mariée), regìa ad Jean-Luc Godard
1965 - Danza di guerra per Ringo (Der Ölprinz), regìa 'd Harald Philipp
1966 - L'affare Goshenko (L'espion), regìa ad Raoul Lévy
1967 - Orizzonte rosso (L'horizon), regìa ad Jacques Rouffio
1967 - Bella di giorno (Belle de jour), regìa ad Luis Buñuel
1967 - Ne jouez pas avec les Martiens, regìa 'd Henri Lanoë
1968 - Au pan coupé, regìa ad Guy Gilles
1970 - L'amore coniugale, regìa dla Dacia Maraini
1971 - Siamo tutti in libertà provvisoria, regìa ad Manlio Scarpelli
1972 - L'amante giovane (Nous ne vieillirons pas ensemble), regìa ad Maurice Pialat
1972 - La notte dei fiori, regìa ad Gian Vittorio Baldi
1974 - I cinesi a Parigi (Les Chinois à Paris), regìa ad Jean Yanne
1974 - Amore mio non farmi male, regìa ad Vittorio Sindoni
1975 - Profondo Rosso, regìa ad Dario Argento
1975 - L'ultimo giorno di scuola prima delle vacanze di Natale, regìa ad Gian Vittorio Baldi
1975 - L'ultimo treno della notte, regìa 'd Aldo Lado
1975 - L'età della pace, regìa ad Fabio Carpi
1975 - Son tornate a fiorire le rose regìa ad Vittorio Sindoni
1976 - Perdutamente tuo... mi firmo Macaluso Carmelo fu Giuseppe, regìa ad Vittorio Sindoni
1976 - Roulette cinese (Chinesisches Roulette), regìa ad Rainer Werner Fassbinder
1976 - Peccatori di provincia, regìa ad Tiziano Longo
1977 - Pasión, regìa ad Tonino Ricci
1977 - Una donna di seconda mano, regìa ad Pino Tosini
1977 - Ride bene... chi ride ultimo, regìa ad Gino Bramieri, ad Pino Caruso, ad Walter Chiari e ad Vittorio Sindoni
1977 - Delirio d'amore, regìa ad Tonino Ricci
1978 - Va voir maman, papa travaille, regìa ad François Leterrier
1978 - Agenzia matrimoniale A (Robert et Robert), regìa ad Claude Lelouch
1978 - Tanto va la gatta al lardo..., regìa ad Vittorio Sindoni
1978 - Rock 'n' Roll, regìa ad Vittorio De Sisti
1978 - Ridendo e scherzando, regìa ad Vittorio Sindoni
1978 - En l'autre bord, regìa ad Jérôme Kanapa
1980 - Tenere cugine (Tendres Cousines), regìa ad David Hamilton
1981 - Bolero (Les uns et les autres), regìa ad Claude Lelouch
1981 - Ormai sono una donna (Beau-père), regìa ad Bertrand Blier
1982 - Le crime d'amour, regìa ad Guy Gilles
1983 - Mia dolce assassina (Mortelle randonnée), regìa ad Claude Miller
1983 - In nome dei miei (Au nom de tous les miens), regìa ad Robert Enrico
1983 - Le Grand Carnaval, regìa 'd Alexandre Arcady
1984 - Les fauves, regìa ad Jean-Louis Daniel
1985 - Les nanas, regìa 'd Annick Lanoë
1985 - Les Rois du gag, regìa ad Claude Zidi
1985 - Senza tetto né legge (Sans toit ni loi), regìa dl'Agnès Varda
1986 - Suivez mon regard, regìa ad Jean Curtelin
1986 - Duet for One, regìa 'd Andrey Konchalovskiy
1989 - La donna del lago maledetto (La vouivre), regìa ad Georges Wilson
1991 - Money - Intrigo in nove mosse (Money), regìa ad Steven Hilliard Stern
1991 - Una storia semplice, regìa 'd Emidio Greco
1991 - Tentazione di Venere (Meeting Venus), regìa ad István Szabó
1992 - Zuppa di pesce, regìa dla Fiorella Infascelli
1993 - Berlino '39, regìa ad Sergio Sollima
1994 - Délit mineur, regìa ad Francis Girod
1998 - La figlia di un soldato non piange mai (A Soldier's Daughter Never Cries), regìa ad James Ivory
2000 - Le sciamane, regìa dl'Anne Riitta Ciccone
2003 - Rien, voilà l'ordre, regìa ad Jacques Baratier
2009 - Trésor, regìa ad Claude Berri e ad François Dupeyron
2012 - Per fortuna che ci sei (Un bonheur n'arrive jamais seul), regìa ad James Huth
2014 - Il prezzo della gloria (La rançon de la gloire), regìa ad Xavier Beauvois

Culegamènt estéran

(EN) Filmugrafìa in s'l IMDb