Perdutamente tuo... mi firmo Macaluso Carmelo fu Giuseppe
|
C'l artìcul chè 'l è scrit in
Miranduléś |
 Perdutamente tuo... mi firmoMacaluso Carmelo fu Giuseppe | ||
 La Macha Méril e Orsini in na figùra dal film | ||
| Pardudamènt tóv... a m fìrum Macaluso Carmelo fu Giuseppe 1976 | ||
|---|---|---|
| Regìa: Vittorio Sindoni | ||
| Scritōr: Ghigo De Chiara • Vittorio Sindoni | ||
| Atōr: Stefano Satta Flores • Umberto Orsini Macha Méril • Luciano Salce • Cinzia Monreale Marisa Laurito • Leopoldo Trieste • Pino Ferrara | ||
| Müsica: Enrico Simonetti | ||
| Léngua: Itagliàṅ | ||
| Dürä dal film: 98 minüt | ||
| Nasiōṅ: Itàglia • Sicigliàṅ | ||
Perdutamente tuo... mi firmo Macaluso Carmelo fu Giuseppe (Pardudamènt tóv... a m fìrum Macaluso Carmelo fu Giuseppe) l'è na cumèdia dramàtica itagliàna dal 1976 ad Vittorio Sindoni.
L'è stada giràda in Basitàglia, in Sicìglia e in Calàbria.
Sunt
Carmelo Macaluso (Stefano Satta Flores), dòp ès'r andâ a lauràr par quìnd'ś an in Germàgna e avér mis via in cal méntar dimóndi bèsi, al tórna in Mercedes in dal sò paéś dla Sicìglia in du sò pàdar Giuseppe al s éra tòlt la vita par la vargógna p'r a n èsar minga stâ bòṅ ad dar indrē sincsènt-mila franc a 'l baròṅ Alfonso Lamia (Luciano Salce) ch'al gh'iva dâ in prèst. Carmelo 'l è turnâ par pagàr cal dèbit lè cun gl'interès davànti a la céśa méntar Lamia al vîṅ fóra cun sò fiōla Valeria (Macha Méril) finìda la mésa, in manéra che tut i pòsan védar.
Adès ch'al gh'à un muć ad bèsi tut i gh pòrtan rispèt: Don Calogero Liotti (Leopoldo Trieste), amìg ad sò pàdar e sò testimòni al dè dla Créśma, al gh ślunga na tórta fata in cà e i vèć i faṅ la fila p'r alvàr-'s al capèl quànd i al védan par strada. A s fà avànti anc un sò amìg ad quànd i éran pìcui, Vito Buscemi (Umberto Orsini) al fiōl dal farmacìsta, adès avucàt di Lamia. Un dè la Valeria la pèrd la burséta a 'l campsànt in du l'éra andàda par purtàr di fiōr a Giuseppe e Carmelo, 'd acòrd sèg, al và a réndar-'g-l' indrē a cà sua sénsa far-as védar da ninsòṅ p'r a n dar mia in d'l òć.
Carmelo al pèrd la tèsta par la barunésa che, da 'l cant suo, l'è l'amànta in segrét ad Vito e insém i al vōl sōl fargàr. La dóna pò la gh'à na fiōla ad séd'ś an śugadōrda 'd basket abùda da 'n matrimòni precedènt, la Jessica (Cinzia Monreale). Alfonso al n in vōl savēr ad tōr-al cuma śéndar, lò ch'l éra 'l fiōl 'd un cuntadèṅ buletàri ch'al lauràva par lò in di sò camp, ma adès al s è ardùt in daśgràsia, i sò bèsi i èṅ finî dònca al gh'à anc 'd arbasàr la crésta. Al sgnōr Macaluso al s mét 'd acòrd cun don Saverio (Renato Pinciroli) par preparàr al nòsi.
Don Calogero, ch'al sà incòsa di còran e di tragatèṅ di dū amànt, al vrév invéci che Carmelo al spuśis sò fiōla Tindara (Marisa Laurito). 'L al manda acsè a 'l hutèl La Tartaruca, cambra 214, par védar cuś i fànan chi dū là quànd i èṅ da par lōr e lò al bèca Vito e la Valeria a lèt insém. Chi lē, ch'la n vōl minga pèrdar tut i sò bèsi, la s inśégna par far in manéra che Carmelo al vaga cun sò fiōla: la trapla par lò l'è bèla prònta.