Lucia Bosè

C'l artìcul chè 'l è scrit in Miranduléś

La Lucia Bosè, nóm 'd art dla Lucia Borloni (Milàṅ, 28 ad Śnar dal 1931 - Segóvia, 23 ad Mars dal 2020), l'è stada n'atōra itagliàna naturaliśàda spagnōla dòp al sò matrimòni c'n al turēr Luis Miguel Dominguín. Insém i gh'an abû tri fiōi: Miguel Bosé, la Lucía Dominguín e la Paola Dominguín.

Cuntànd anc la Silvana Pampanini, la Gina Lollobrigida e la Sophia Loren, l'è stada una dal primi magiuràdi dal cìnema itagliàṅ.

Biugrafìa

Vinsidōra dal cuncōrs ad Miss Italia dal 1947, baténd dal cuncurènti cuma la Gina Lollobrigida e la Silvana Mangano, la Bosè la taca a far cìnema a 'l inìsi di an Sinquànta dòp che Luchino Visconti al gh'iva butâ gl'òć adòs méntar la fava la cumésa in un negòsi 'd dōls.

In dal 1949 l'arév psû tōr part a 'l film Riso amaro parchè l'iva pasâ 'l pruvèṅ ma i suo i n éran briśa 'd acòrd. In tut al manéri la Bosè la gh la cava listés a èsar prutagunìsta ad soquànt di film più impurtànt dal neo-realìśum itagliàṅ ad chi an lè cuma Non c'è pace tra gli ulivi ad Giuseppe De Santis e Cronaca di un amore dal fraréś Michelangelo Antonioni. Dòp darsèt film, in du l'à laurâ anc c'n al sò muróś 'd in alóra Walter Chiari, la mòla la sètma art par spuśàr-as cun la star dal curìdi Dominguín.

A la fiṅ di an Ssanta, dòp ès'r-as divursiàda, la tórna a recitàr in soquànt film cun dal parti pìculi cuma Sotto il segno dello scorpione di fradèi Taviani, Metello ad Mauro Bolognini e Fellini Satyricon ad Federico Fellini.

Numinàda Dama d'l Órdan a 'l mèrit sivìl in Spaggna in dal 2018, la mōr dū an dòp a càuśa ad cal vìrus lè tarménd dal COVID-19.

Filmugrafìa

1950 - Non c'è pace tra gli ulivi, regìa ad Giuseppe De Santis
1950 - Cronaca di un amore, regìa ad Michelangelo Antonioni
1951 - È l'amor che mi rovina, regìa ad Mario Soldati
1951 - Parigi è sempre Parigi, regìa ad Luciano Emmer
1951 - Le due verità, regìa 'd Antonio Leonviola
1952 - Le ragazze di piazza di Spagna, regìa ad Luciano Emmer
1952 - Roma ore 11, regìa ad Giuseppe De Santis
1953 - La signora senza camelie, regìa ad Michelangelo Antonioni
1953 - Era lei che lo voleva!, regìa ad Marino Girolami
1954 - Questa è la vita, regìa 'd Aldo Fabrizi
1954 - Tradita, regìa ad Mario Bonnard
1954 - Accadde al commissariato, regìa ad Giorgio Simonelli
1954 - Sinfonia d'amore, regìa ad Glauco Pellegrini
1955 - Vacanze d'amore (Le village magique), regìa ad Jean-Paul Le Chanois
1955 - Gli egoisti (Muerte de un ciclista), regìa ad Juan Antonio Bardem
1955 - Gli sbandati, regìa ad Citto Maselli
1956 - Gli amanti di domani (Cela s'appelle l'aurore), regìa ad Luis Buñuel
1960 - Il testamento di Orfeo, regìa ad Jean Cocteau
1968 - Nocturno 29, regìa ad Pedro Portabella
1968 - No somos de piedra, regìa ad Manuel Summers
1969 - Sotto il segno dello scorpione, regìa ad Paolo e Vittorio Taviani
1969 - Fellini Satyricon, regìa ad Federico Fellini
1969 - Del amor y otras soledades, regìa ad Basilio Martin Patino
1970 - Jutrzenka, regìa ad Jaime Camino
1970 - Metello, regìa ad Mauro Bolognini
1970 - Ciao Gulliver, regìa ad Carlo Tuzii
1971 - Equinozio, regìa ad Maurizio Ponzi
1971 - Qualcosa striscia nel buio, regìa ad Mario Colucci
1971 - La controfigura, regìa ad Romolo Guerrieri
1972 - Arcana, regìa ad Giulio Questi
1972 - L'ospite, regìa dla Liliana Cavani
1972 - Un solo grande amore, regìa ad Claudio Guerín
1972 - Nathalie Granger, regìa dla Marguerite Duras
1973 - La colonna infame, regìa ad Nelo Risi
1973 - Le vergini cavalcano la morte, regìa ad Jorge Grau
1974 - Los viajes escolares, regìa ad Jaime Chávarri
1975 - La profonda luce dei sensi, regìa ad Beni Montresor
1975 - Per le antiche scale, regìa ad Mauro Bolognini
1976 - Storia di un'amicizia tra donne, regìa dla Jeanne Moreau
1977 - Violanta, regìa ad Daniel Schmid
1987 - Cronaca di una morte annunciata, regìa ad Francesco Rosi
1988 - Brumal, regìa dla Cristina Andreu
1989 - Il bambino della luna, regìa 'd Agustí Villaronga
1990 - Volevo i pantaloni, regìa ad Maurizio Ponzi
1990 - L'avaro, regìa ad Tonino Cervi
1999 - Harem Suare, regìa ad Ferzan Özpetek
2007 - I Viceré, regìa ad Roberto Faenza
2014 - One More Time, regìa ad Pablo Benedetti e 'd Davide Sordella

Culegamènt estéran

Nòti

Wikiquote contiene citazioni di o su Lucia Bosè
Wikimedia Commons contiene file multimediali su Lucia Bosè