Qualcosa striscia nel buio
C'l artìcul chè 'l è scrit in Miranduléś |
Qualcosa striscia nel buio | ||
La Lucia Bosè in na figùra dal film | ||
Un quèl al traśa in dal scûr 1971 | ||
---|---|---|
Regìa: Mario Colucci | ||
Scritōr: Mario Colucci | ||
Atōr: Lucia Bosè • Giacomo Rossi-Stuart Farley Granger • Dino Fazio • Stelvio Rosi Mia Genberg • Gianni Medici • Giulia Rovai | ||
Müsica: Angelo Francesco Lavagnino | ||
Léngua: Itagliàṅ | ||
Dürä dal film: 90 minüt | ||
Nasiōṅ: Itàglia |
Qualcosa striscia nel buio (Un quèl al traśa in dal scûr) 'l è 'n film dal mistēr dal 1971 ad Mario Colucci, al sò secónd e ùltim dòp Vendetta per vendetta dal 1968. In dal film i rècitan anc al prudutōr dal film Dino Fazio e al cumpuśidōr dla culòna sunóra Angelo Francesco Lavagnino, méntar la Loredana Nusciak la dà la sò fàcia sōl par la fòto dla Lady Sheila Marlowe.
In di Stat Unî i al cgnósan cum al nóm ad Something creeping in the dark.
Sunt
Par cólpa 'd un stravènt e dna timpèsta spavintóśa, un grup ad viaśadōr 'l è custrét a dmandàr ajùt, par pasàr la nòt sóta a 'n téǵ, a Joe (Gianni Medici), un fiōl di fiōr ch'al viṿ in na cà da par lē in mèś a la campàggna insém a la sò amànta (Giulia Rovai). Dal grup i faṅ part al dutōr Williams (Stelvio Rosi) e la sò asisténta Susan West (Mia Genberg), al prufesōr Lawrence (Angelo Francesco Lavagnino) cun 'l interès p'r al paranurmàl, Donald Forrest (Giacomo Rossi-Stuart) e sò mujér Sylvia (Lucia Bosè), na dóna ch'la gh'à vója ad masć parchè la gusa pôc (a gh'è al caś che sò marè al sia imputènt) e ch'la s śibìs subìt par far n'òrgia lè in dla vila par pasàr-'s al tèmp. Chi lē la buta anc i òć adòs a 'n malandrèṅ purtâ lè da 'l ispetōr Wright (Dino Fazio), un sasèṅ ad nóm Spike (Farley Granger).
Durànt la sira, Sylvia la ś mét intór'n a na tavla par ciamàr lè al spirìt dla Lady Sheila Marlowe, la vècia padróna 'd cà mòrta ch'l'iva patî un prucès p'r avér masâ qualchidòṅ ma sénsa próvi. Chi lē la cumparìs in dla sala dascurénd par bóca ad Donald, dgénd che in dal da 'd là a gh'è dimóndi fréd e buj. Subìt dòp la tōś pusès dla Susan faghénd-la dvintàr na malnéta in di cunfrònt dal dutōr e pò la tōś incóra al cuntròl ad Donald par far in manéra ad strusàr sò mujér ch'la n cardìva a i sò òć quànd la 'l iva vdû gnir dèntar a la sò cambra da lèt ad nòt.