Leonardo DiCaprio
|
C'l artìcul chè 'l è scrit in
Miranduléś |
Leonardo Wilhelm DiCaprio (Los Angeles, 5 ad Śnar dal 1975, a s lèś [/dᵻˈkæpri.oʊ/] in ingléś), cgnusû méj cuma Leonardo DiCaprio, 'l è 'n atōr e prudutōr americàṅ.
'L è stâ candidâ par sinc vòlti a 'l Prèmi Òscar vinsénd in dal 2016 cuma atōr prutagunìsta par la pelìcula Revenant - Redivivo 'd Alejandro González Iñárritu, inóltar 'l à anc purtâ a cà tri Golden Globe.
In dla sò caréra 'l à laurâ c'n i più grand regìsta 'd Hollywood cuma James Cameron, Baz Luhrmann, Danny Boyle, Clint Eastwood, Christopher Nolan, Steven Spielberg, Ridley Scott, Sam Mendes, Woody Allen, Alejandro González Iñárritu, Quentin Tarantino e specialmènt Martin Scorsese ch'al 'l à vlû sèg par sinc vòlti.
Fra i film ch'l à prudót a gh'è qvéi ad scarésa ad Cappuccetto rosso sangue e Orphan.
Biugrafìa
DiCaprio al taca a lauràr in dal mónd dal spetàcul recitànd da śōvan in soquànt telefilm cuma Lassie, Santa Barbara, Pappa e ciccia e Genitori in blue jeans. In dal 1991 al gira 'l sò prim film a 'l cìnema, na pelìcula 'd scarésa ciamàda Critters 3. 'L an dòp al fà 'n camèo in dal thriller La mia peggiore amica cun prutagunìsta la Drew Barrymore.
In dal 1993 al gh'à dū impurtànt rōi dramàtic in Voglia di ricominciare, film in du al rècita insém a Robert De Niro e a l'Ellen Barkin, e Buon compleanno Mr. Grape ch'al gh dà la sò prima nomination a i Òscar cuma atōr minga prutagunìsta.
In dal 1995 'l è in dal cast dal western ad Sam Raimi Pronti a morire, pò al gira anc Ritorno dal nulla, in dua 'l fà 'n ragàs drugâ śugadōr ad basket, e Poeti dall'inferno cun la part dal puvéta fnòć Arthur Rimbaud. Dòp la cumèdia rumàntica Romeo + Giulietta e 'n film cun la Meryl Streep, la Diane Keaton e Robert De Niro intitulâ La stanza di Marvin, in dal 1997 al gira la pelìcula ciàṿ dla sò caréra, al stòric Titanic ad James Cameron.
Adès tut i regìsta più impurtànt 'd Amèrica i al péscan: Woody Allen par Celebrity, Martin Scorsese par Gangs of New York, The Aviator, The Departed - Il bene e il male, Shutter Island e The Wolf of Wall Street e anc Steven Spielberg par Prova a prendermi. Chi film chè impurtànt i gh frùtan soquànti nomination a i Òscar ma incóra na vòlta Leonardo 'l armàgn a bèc sut.
'L atōr califurgnàṅ al gh la cava a ciapàr c'l arcgnusimènt lè sōl in dal 2015 per Revenant - Redivivo.
Filmugrafìa
- 1991 - Critters 3, regìa dla Kristine Peterson
- 1992 - La mia peggiore amica (Poison Ivy), regìa dla Katt Shea
- 1993 - Voglia di ricominciare (This Boy's Life), regìa ad Michael Caton-Jones
- 1993 - Buon compleanno Mr. Grape (What's Eating Gilbert Grape), regìa ad Lasse Hallström
- 1995 - Pronti a morire (The Quick and the Dead), regìa ad Sam Raimi
- 1995 - Ritorno dal nulla (The Basketball Diaries), regìa ad Scott Kalvert
- 1995 - Poeti dall'inferno (Total Eclipse), regìa dl'Agnieszka Holland
- 1996 - Romeo + Giulietta (William Shakespeare's Romeo + Juliet), regìa ad Baz Luhrmann
- 1996 - La stanza di Marvin (Marvin's Room), regìa ad Jerry Zaks
- 1997 - Titanic, regìa ad James Cameron
- 1998 - La maschera di ferro (The Man in the Iron Mask), regìa ad Randall Wallace
- 1998 - Celebrity, regìa ad Woody Allen
- 2000 - The Beach, regìa ad Danny Boyle
- 2001 - Don's Plum, regìa ad R.D.Rob
- 2002 - Gangs of New York, regìa ad Martin Scorsese
- 2002 - Prova a prendermi (Catch Me If You Can), regìa ad Steven Spielberg
- 2004 - The Aviator, regìa ad Martin Scorsese
- 2006 - Blood Diamond - Diamanti di sangue (Blood Diamond), regìa 'd Edward Zwick
- 2006 - The Departed - Il bene e il male (The Departed), regìa ad Martin Scorsese
- 2008 - Nessuna verità (Body of Lies), regìa ad Ridley Scott
- 2008 - Revolutionary Road, regìa ad Sam Mendes
- 2010 - Shutter Island, regìa ad Martin Scorsese
- 2010 - Inception, regìa ad Christopher Nolan
- 2011 - J. Edgar, regìa ad Clint Eastwood
- 2012 - Django Unchained, regìa ad Quentin Tarantino
- 2013 - Il grande Gatsby (The Great Gatsby), regìa ad Baz Luhrmann
- 2013 - The Wolf of Wall Street, regìa ad Martin Scorsese
- 2015 - Revenant - Redivivo (The Revenant), regìa 'd Alejandro González Iñárritu
Culegamènt estéran
Àtar prugèt
Wikiquote contiene citazioni di o su Leonardo DiCaprio
Wikimedia Commons contiene file multimediali su Leonardo DiCaprio
