Imperadōr di Scûr
|
C'l artìcul chè 'l è scrit in
Miranduléś |
'L Imperadōr di Scûr l'è 'n persunàǵ d'l anime Gran Mazinga, creâ p'r al senegiadōr Gō Nagai. Al cmanda 'l pòpul di Mikenes e 'l vrév ch'la sò gint la tulìs al pòst dal gèn'r umàṅ, lōr ch'i èṅ custrét a vìvar sót-tèra. Par cal mutìṿ lè 'l à tacâ na guèra cun gl'abitànt dal Giapòṅ diféś da 'l sènt'r ad risérchi dla Furtésa dal Siénsi ad Kenzo Kabuto e da i robot Gran Mazinga e Venus Alpha.
'L Imperadōr di Scûr al figùra cuma 'n ès'r ad fōg ch'al cumparìs da 'l gnint quànd al vōl lò da 'l incònt'r ad soquànti silti.
Sóta 'd lò al gh'à mis prima 'l Generàł Négar e pò, a la sò mòrt, al Gran Maresiàl dal Demòni. A cap dla sesiòṅ di servìsi segrét a gh'è invéci 'l Minìstar Àrgos. Durànt l'ultma puntàda tut al sò eśèrcit al mōr a bōrd dla furtésa Demonika ch'la salta p'r ària, sōl lò al scampa ma che fiṅ 'l àppia pò fat a n è minga stâ cuntâ.
In Itàglia al sò persunàǵ 'l à ciapâ la vóś da Mario Lombardini.