Minìstar Àrgos
|
C'l artìcul chè 'l è scrit in
Miranduléś |
Al Minìstar Àrgos 'l è 'n persunàǵ d'l anime Gran Mazinga, creâ p'r al senegiadōr Gō Nagai.
Chi lò 'l è a cap di servìsi segrét e 'd spiunàǵ dal régn ad Mikenes ch'l ubidìs a 'l Imperadōr di Scûr. Sóta 'd lò al pōl cuntàr su 'l lavōr di sò culaburadōr, prima al Grandùca Gorgon e pò, a la sò mòrt, la Marchéśa Yanus.
A séguit dal prucès ad rubutiśasiòṅ ch'l à patî, la tèsta dal Minìstar Àrgos 'l è finìda insìma a 'n bastòṅ druâ da 'n robot mecànig blù e celèst tacâ a la sò maṅ sinìstra. In dla pansa al gh'à 'n computer pîṅ ad dat ch'i gh sarvìsan p'r al sò strulgàdi.
Durànt 'l epiśòdi nùmar 54, al robot dal Minìstar Àrgos al vîṅ dastrùt da i pugn atòmig prilànt dal Gran Mazinga ma la Marchéśa Yanus la gh la cava a 'l ùltim a salvàr-ag la tèsta ch'la s éra dastacàda da 'l robot e a purtàr-la via sèg. In tut al manéri chi lò al mōr listés in dl'ultma puntàda quànd la furtésa Demonika la salta p'r ària.
In Itàglia 'l è stâ ardupiâ par Carlo Allegrini.