Kenzo Kabuto

C'l artìcul chè 'l è scrit in Miranduléś

Kenzo Kabuto (兜剣造 in giapunéś, Kabuto Kenzō) 'l è 'n persunàǵ d'l anime Gran Mazinga, creâ p'r al senegiadōr Gō Nagai, pàdar dal pìcul Shiro e 'd Koji Kabuto, pilòta dal robot Mazinga Z.

Kenzo 'l è 'n siensiâ diretōr dla baś dla Furtésa dal siénsi e inventōr dal robot Gran Mazinga putensiâ rispèt a ' prugèt ad Mazinga Z ad sò pàdar Juzo Kabuto. Cardû mòrt da tut dòp 'n incidènt, al vîṅ salvâ par Juzo ch'l è però custrét a far-'g un còrp da cyborg par far-al scampàr. In segrét chi lò al tira sù dū òrfan ch'al trata cuma s'i fùsan dabòṅ di fiōi suo e vlénd-ag bèṅ fórsi incóra da piò, Tetsuya Tsurugi e Jun Hono, par far-ag guidàr i robot Gran Mazinga e Venus Alpha da druàr in dla lòta cónt'r al pòpul di Mikenes.

Kenzo al mōr in dl'ultma puntàda dal cartòṅ animâ quànd, cun n'asiòṅ da kamikaze, al decìd ad stablìr-as cun la Furtésa dal siénsi cóntar la furtésa nemìga Demonica in du i gh'éran dèntar tut i generài d'l Imperadōr di Scûr.