Venus Alpha

C'l artìcul chè 'l è scrit in Miranduléś

Venus Alpha (ビューナスA in giapunéś, Byūnasu Ēsu) 'l è 'n robot d'l anime dal Gran Mazinga, creâ p'r al senegiadōr Gō Nagai.

'L è stâ creâ, insém a 'l Gran Mazinga, da 'l prufesōr Kenzo Kabuto par diféndar la Tèra da 'l pòpul di Mikenes.

Al robot 'l è élt vint métar p'r un pēś ad vint-a-tri tunelàdi. Venus l'è bòna 'd cùr'r a 300 km/h e l'è pilutàda par la Jun Hono ch'la s culéga sèg insfilsànd la navisèla Regìna dal Stéli in dla sò gnuca durànt na manòvra 'd tacamènt. Cl'uperasiòṅ chè la partìs quànd la ragàsa, na mulàta armàśa òrfna, la la fà vgnir fóra da 'd sóta na cascàda in du l'è lugàda, darènt a la Furtésa dal Siénsi.

Durànt i cumbatimènt c'n i móstar gueriér nemìg la dróa gl'armi chè 'd sóta:

Mìsii dida: mìsii a fórma 'd dî ch'i partìsan da 'l sò maṅ;
Mìsil futònig: mìsii sparâ da 'l sò téti;
Raś futònig (ciamâ anc Raś Z o Làśer dópi): raś 'd energìa foto-atòmica ad culōr rós sparâ da i sò òć;