Gran Maresiàl dal Demòni

C'l artìcul chè 'l è scrit in Miranduléś

Al Gran Maresiàl dal Demòni 'l è 'n persunàǵ d'l anime Gran Mazinga, creâ p'r al senegiadōr Gō Nagai.

Dòp la mòrt dal Generàł Négar, in dal 36śum epiśòdi da 'l tìtul “Resuresiòṅ 'd amōr”, al tōś al sò pòst a 'l cmand di sèt eśèrcit ad Mikenes. In dla part élta dal sò robot, ch'al gh'à na barba biànca bèla lunga, in na pustasiòṅ ad vēdar in mèś a quàtar córan, a gh'è 'l còrp dal Dutōr Inféran, al vèć nemìg ad Mazinga Z. Chi lò 'l è sénsa 'n òć, quaciâ par na fasa négra, e 'l è stâ daśdâ da 'l Imperadōr di Scûr par cumbàtar la Furtésa dal Siénsi.

Da spés in quistiòṅ c'n al Minìstar Àrgos, di servìsi segrét e 'd spiunàǵ, al cata la mòrt in dl'ultma puntàda dla série quànd la furtésa Demonica la salta p'r ària cun lò dèntar.

In Itàglia 'l è stâ ardupiâ par Franco Odoardi.