Gas (film)
|
C'l artìcul chè 'l è scrit in
Miranduléś |
 Gas
| ||
.png) Lorenzo Balducci e la Goggi in na figùra dal film | ||
| id. 2005 | ||
|---|---|---|
| Regìa: Luciano Melchionna | ||
| Scritōr: Alexandra La Capria • Luciano Melchionna | ||
| Atōr: Lorenzo Balducci • Massimiliano Caprara Moran Atias • Paola Ranzoni • Francesco Venditti Giorgio Santangelo • Loretta Goggi • Alvia Reale Sandro Giordano • Pino Quartullo • Paolo Villaggio Fabrizio Bracconeri • Alexandra La Capria | ||
| Müsica: Fabrizio Sciannameo Rob Lord • Riccardo Regoli | ||
| Léngua: Itagliàṅ • Tedésc • Ingléś | ||
| Dürä dal film: 112 minüt | ||
| Nasiōṅ: Itàglia • Régn Unî | ||
Gas (id.) 'l è 'n film dramàtic dal 2005 ad Luciano Melchionna, chè a 'l sò debùt a la regìa.
La pelìcula, giràda a Latìna, l'è stada preśentàda a 'l Fèstival ad Lucàran e a la Fèsta dal Cìnema 'd Róma dal 2006. Par la pard dl’Anna la Loretta Goggi l'è stada numinàda a i Nàstar 'd Argìnt cuma atōra minga prutagunìsta.
Sunt
Luca (Lorenzo Balducci) 'l è 'n ragàs sénsa lavōr ch'al gh'à 'n brut rapòrt cun sò pàdar Vittorio (Nino Bernardini) e na màdar ch'la gh astà sèmp'r adòs, l’Anna (Loretta Goggi). La sò muróśa Ludovica (Alexandra La Capria) l'è più vècia 'd lò ma Luca adès al n gh vōl più bèṅ e al la mòla p'r andàr cun sò fradèl Riccardo (Giorgio Santangelo).
Francesco (Francesco Venditti) al n vōl bèṅ a ninsòṅ, gnanc a la sò famìja, tant che quànd al mét sóta 'n caṅ al partìs da par lò cun la bèstia sèg par pascàr un veterinàri lasànd i suo in mèś a la strada sóta la piōva. Sandro (Sandro Giordano) 'l è 'l fiōl 'd un persunàǵ famóś (Pino Quartullo) e dna raśdóra c'n i bigudèṅ in cô, la Marta (Alvia Reale). Al s è tint i cavìi 'd rós e 'l pasa 'l sò tèmp a śugàr a i śōg vìddeo.
Emiliano (Massimiliano Caprara) al viṿ cun sò nunóna e 'l lavóra par Renato (Paolo Villaggio) in 'n ubitòri. La Monica (Moran Atias) l'è na dunàsa furastéra catìva dèntar. La s fà mantgnìr da 'n vèć e la n's cumpatìs briśa na sò vśina 'd cà ch'l'è custréta a giràr c'n i sócui a i pē parchè la gh'à 'l gambi infiàdi. La Laura (Paola Ranzoni) la n è minga tant un chilo, la śōga cun la Barbie, la gh'à na surèla pìcula e na màdar cun la depresiòṅ.
Un dè chi siē ragàs chè i decìd'n ad rapìr e 'd turturàr 'n óm (Cesare Fazioli) ch'al s éra mis a dascórar cun la Monica fóra da 'n lucàl pòran.