Frank Zappa
|
C'l artìcul chè 'l è scrit in
Miranduléś |
Frank Vincent Zappa (Baltimòra, 21 ad Dicémbar dal 1940 – Los Angeles, 4 ad Dicémbar dal 1993) 'l è stâ 'n sunadōr e chitarìsta americàṅ cun di urìgini itagliàni.
In dla sò caréra 'l à fat vgnir fóra da piò ad ssanta disc (cuma Freak Out! in dal 1966, Absolutely Free in dal 1967 e Hot Rats in dal 1969) tucànd tut i gènar muśicài cuma 'l rock, al blues, al jazz, la fusion, al progressive e l'avanguàrdia cun di riferimènt a la mùśica clàsica, a la sàtira e a 'l cabaret. La rivìsta Rolling Stone la 'l à mis a 'l 22śum pòst di chitarìsta mijōr ad tut i tèmp.
Fra i sò pès più impurtànt a 'rcurdém Hungry freaks, daddy, Trouble every day , Harry, you’re a beast , Oh no!, My guitar wants to kill your mama, Camarillo Brillo , Don’t eat the yellow snow, Joe’s garage, Dancing fool e Valley Girl, al sò sìngul più vindû ad tut ch'al tulìva in gir al valley girl.
'L è mòrt a sinquànta-dū an p'r un cànc'r a la pròstata dòp ch'l iva dit ch'al vliva candidàr-'s a la presidénsa di Stat Unî dgénd che pèś ad Ronald Reagan al n arév minga psû far.