Daddy's Deadly Darling
|
C'l artìcul chè 'l è scrit in
Miranduléś |
 Daddy's Deadly Darling
| ||
 La Toni Lawrence in na figùra dal film | ||
| La stelìna murtàla dal papà 1973 | ||
|---|---|---|
| Regìa: Marc Lawrence | ||
| Scritōr: Marc Lawrence | ||
| Atōr: Toni Lawrence • Jesse Vint • Jim Antonio Marc Lawrence • Catherine Ross • Paul Hickey | ||
| Müsica: Charles Bernstein | ||
| Léngua: Ingléś | ||
| Dürä dal film: 80 minüt | ||
| Nasiōṅ: Stat Unî | ||
Daddy's Deadly Darling (La stelìna murtàla dal papà), cgnusû anc cuma Pigs, Horror Farm, The 13th Pig, Daddy's Girl, The Strange Exorcism of Lynn Hart, The Strange Love Exorcist e Roadside Torture Chamber, 'l è 'n film ad scarésa americàṅ dal 1973 scrit, prudót, interpretâ e dirèt par Marc Lawrence, cun prutagunìsta sò fiōla, la Toni.
A la prima dal film, ch'a gh'è stada in dal Maǵ dal 1973 a Detroit, al distributōr 'l à śibî dal bacon a gràtis a tut i spetadōr. La pelìcula, distribuìda da qvéi dla Troma, l'è stada giràda a Lake Piru e in soquànt àtar pòst dla Califòrgna.
Sunt
Dòp avēr cupâ a scurtlàdi sò pàdar ch'al la viulentàva, la śōvna Lynn Hart (Toni Lawrence) la finìs in na clìnica par mat p'r al tràuma ch'l'iva patî. Un dè la ruba na màchina e la scapa via da 'd lè finénd in dla campàggna dal sud di Stat Unî in dal sit 'd un sèrt sgnōr Zambrini (Marc Lawrence), un mat ch'al dà da magnàr dla carna 'd cristiàṅ, fargàda in di simitéri, a i sò nimài srâ dènt'r a 'n ciûś.
'L óm al śibìs na cambra e 'n lavōr da barìsta a la ragàsa che però la n è minga tant in bóla esénd ch'la fà dal telefunàdi a sò pàdar mòrt e 'd nòt la gh'à di brut arbgàt. In séguit chi lē la taca a masàr di óm ch'i gh arcòrdan sò pàdar.