Arma da taglio
|
C'l artìcul chè 'l è scrit in
Miranduléś |
 Prime Cut
| ||
| Arma da taglio | ||
 Lee Marvin e la Sissy Spacek in na figùra dal film | ||
| Arma da taj 1972 | ||
|---|---|---|
| Regìa: Michael Ritchie | ||
| Scritōr: Robert Dillon | ||
| Atōr: Lee Marvin • Gene Hackman • Sissy Spacek Gregory Walcott • Angel Tompkins • Janit Baldwin William Morey • Howard Platt • Therese Reinsch | ||
| Müsica: Lalo Schifrin | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Arma da taglio (Arma da taj) 'l è 'n film 'd asiòṅ americàṅ dal 1972 ad Michael Ritchie.
Quànd 'l è vgnû fóra, cal lavōr chè 'l à fat discùtar dimóndi par la sò viulénsa, la descrisiòṅ dla pcarìa e par la cundisiòṅ fata védar dal fémni, cavàdi śò e vindùdi a l'asta cuma carna da masèl.
Sunt
In un masèl ad Kànsas City (Kànsas), bóv e vachi i vìnan maslâ cuma in na cadéna 'd muntàǵ par far sù di hamburger e dal salsìsi. Durànt la lavurasiòṅ, a s véd na scarpa da óm finìr in mèś a la carna. Weenie (Gregory Walcott) al fà sù soquànti salsìsi vgnudi fóra da i machinàri, calculànd al tèmp giust, e al i mét in un pachét da mandàr in Illinòis. Chi lò 'l è al fradèl ad Mary Ann (Gene Hackman), al respunsàbil daśunèst dal masèl dal pòst. Al mòrt invéci 'l éra 'n irlandéś mandâ là da la màfia ad Chicago par dmandàr indrē sincsènt-mila dòlar ch'i gh'ìvan da dar. Adès chi lōr i vōlan ch'a sia Nick Devlin (Lee Marvin) a 'ndàr a tōr i bèsi da cal laśaròṅ là.
La mujēr ad Mary Ann, la Clarabelle (Angel Tompkins), na vòlta l'éra la muróśa pròpria 'd Nick. Al sò masèl adès al quàcia i afàr malnét di dū fradèl: dròga e prustitusiòṅ. I vènan vindùdi a l'asta anc dal dóni nûdi parchè par Mary Ann la carna ad bóv o la carna ad dóna l'è cumpàgna. Devlin al s pòrta via da 'd là la pòvra Poppy (Sissy Spacek).
Quànd pò al tórna da Mary Ann par srar i cònt sèg, al cata na śgadōra ch'la gh cur adrē in di malghét par cupàr-al.