Agnese (I promessi sposi)
|
C'l artìcol chè 'l è scrit in
Carpśàn |
L'Agnēś Mondella, in dal romàṅś estóric di Promès espōś dal Manśòun, l'è la mèder dla Lucìa, e na reśdóra ch'la pèinsa dimòndi a jutèr la fióla e 'l Rèins in dal lōr intèint ed maridèr-es.
A s taca a léśer dal só persunàǵ a la fin dal secònd capìtol e in dal têrs, quand al Rèins al gh'và a cuntèr disprê, a lē e ala Lucìa, al brùt tîr che 'l don Abòndi al gh'iva riservê cla matèina lè: i dū fidaṅsê, al gh'à dìt, i n'gh'àvrèven mia da spuśèr-es.
Dop 'd un mumèint ed termarìa, l'Agnēś la fà però subìt la śgalvìda, ch'l'è dòna mia neda aiēr, la dîś, « ...perchè, a nuèter ch'a som puvrèt e a nn'òm mia studiê, i quêl brùt i s pèren più difìcil da śgumbièr, mo se Vò Rèins, a 'ndìsi in sitê, là a gh'è 'n avuchêt, 'l Aśèca-garbùj (mo per caritê, nn'al ciamèdi mia acsè!) ch'al sà catèr sàimper na solusiòun a tùt i perchè. A gh'purtarî dū bē capòun in cambi, e nuèt'r a gnaròm bèin a savér c'm'a gh'aròm da fèr ».
L'Agnēś, c'ma tùti el reśdóri ed na volta, l'è pò anca pìa, e dòunca amìga dal Frê Cristòfor, pròunta a dmandèr cunsìli anc'a chilò.
Mo però, a vèder tanti stredi s'rèdi, a gh'vin anca in amèint n'ètra idéa dimòndi śvélta: na volta e da na quelc banda, lē l'à sintî dìr che 'n matrimóni al s'rèv incòr valid se sōl i dū spōś i gh'la cavìsen, davànti a 'l curê e a dū testimóni, ed dìr-es ch'i s în espōś 'l ùn a cl'ètra. Dòunca, a s pruarà a fèr anc acsè: l'Agnēś la turà da 'n cô la Perpètva màinter che i dū śoven cui testimòni, i s la strulgaràn col prēt.
Vōś lighèdi
Èter prugèt
Wikimedia Commons contiene file multimediali su Agnese (I promessi sposi)- Al romàṅś in sìm'a it.Wikisource
