C'l artìcul chè 'l è scrit in Miranduléś Emiliàn

Vanilla Sky

La Cameron Diaz in na figùra dal film
Cēl ad vanìglia
2001
Regìa: Cameron Crowe
Scritōr: Alejandro Amenábar
Mateo Gil • Cameron Crowe
Atōr: Tom CruisePenélope CruzCameron Diaz
Kurt RussellMichael ShannonNoah Taylor
Tilda SwintonTimothy SpallJason Lee
Tommy LeeDelaina MitchellShalom Harlow
Müsica: Nancy Wilson
Léngua: IngléśSpagnōl
Dürä dal film: 136 minüt
Nasiōṅ: Stat UnîSpaggna


«
AmōrÒdiSógnVitaLavōrŚōgAmicìsiaSès.»
(Tagline dal film)


Vanilla Sky (Cēl ad vanìglia) 'l è 'n thriller fantàstic dal 2001 ad Cameron Crowe, arfacimènt dna pelìcula spagnōla dal 1997 da 'l tìtul Apri gli occhi. In dla culòna sunóra a s cata 'l braṅ Vanilla Sky ad Paul McCartney candidâ pò a i Prèmi Òscar d'l an dòp.

Custâ ssant'òt migliòṅ ad dòlar, al film al 'n à pò purtâ a cà da piò ad duśènt-tri.

Sunt

'L editōr ad New York David Aames (Tom Cruise) 'l è 'n śōv'n ad sucès, pîṅ 'd bèsi e 'd dóni, l'ultma l'è la biónda Julie Gianni (Cameron Diaz). Finî in parśòṅ acuśâ 'd umisìdi, al cònta a 'l dutōr Curtis McCabe (Kurt Russell), ch'al gh'à da far na perìsia p'r al tribunàł, qvél ch'a gh'è sucès. Al dè dal sò cumpleàn al s è daśdâ sinténd na registrasiòṅ ch'la gh dgiva 'd vèrar gl'òć e la sira, a la sò fèsta, l'iva cgnusû na dóna ciamàda Sofia Serrano (Penélope Cruz) ch'la gh'iva fat pèrdar la tèsta.

La Julie la n iva tòlt minga bèṅ cal fat lè e, vilìda p'r èsar stada dascargàda, la s séra butàda śò da 'n pònt cun la màchina par far-la finìda insém a David ch'l éra sù sèg. La dóna la mōr méntar lò invéci al la scampa finénd però in còma par tri stmani e mèś e cun la ghigna uféśa tant ch'al gh'à da far dgl'uperasiòṅ a 'l crani. Inólt'r al gh'à da spés di arbgàt e dgl'alucinasiòṅ.

'L óm al taca a véd'r-as cun la Sofia ma na matìna al s cata a lèt la Julie ch'la gh diś 'd èsar la Sofia. David al gh'à 'n shock e 'l è sicûr che chi lē la n sia mia mòrta in d'l incidènt e ch'la faga finta 'd èsar la Sofia p'r armàgnar sèg. Dòp avēr-la piciàda, 'l óm 'l è custrét a tiràr fóra di bèsi par pagàr la causiòṅ e n finìr minga in parśòṅ.

I sò amìg, cuma Brian (Jason Lee), i tàc'n a pinsàr ch'al gh'àppia di prubléma in dla tèsta.

Culegamènt estéran