Vìla Vilacòl

C'l artìcol chè 'l è scrit in Carpśàn

La Vìla Vilacòl (Villa Villacolle in itagliàn) l'è la cà in dû la và a stèr la Pippi Chelsilùnghi un bel dè, deśgnènd da luntàṅ.
A s in còunta in dal romàṅś śvedéś per putèin Pippi Långstrump, scrìt dala scritóra śvedéśa Astrid Lindgren. La putèina Pippi la gh'porta, a vìv'r in cà sēg, na simièina e 'n cavâl.
L'è na cà 'd lègn, cun un purdghìn in sul davànti, in dû al cavâl "Śièt" al pōl stèr-egh un puchìn al cuêrt ed dè. Dàinter, la caślèina la gh'à 'n mobìli incòri ed lègn, mia pregê mo c'm'a s in cata in di paiśèin dal nord Evròpa. Al sgnōr Nilsson e 'l cavâl i gh'giren dàinter in pina libertê, ch'a gh'sìa o meno anc la Pippi.
La caślèina druèda p'r el sèini dla séri tivù dal romàṅś la s cata in dla sitê 'd Vibble in dl'ìśla śvedéśa 'd Gotland.

Vóś lighèdi