Ucciderei per te
|
C'l artìcul chè 'l è scrit in
Miranduléś |
 I'd Kill for You
| ||
| Ucciderei per te | ||
| ||
| A masarév par tè 2013/2016 | ||
|---|---|---|
| Gènar: Docufiction | ||
| Stagiòṅ: 3 | ||
| Epiśòdi: 32 | ||
| Regìa: Jason Fisher • James H. Fitzgerald | ||
| Scritōr: Ted Poole • Evan Self | ||
| Atōr: Daren Donofrio • Harry L. Seddon • Kevin Cusick | ||
| Mùśica: Danny Gray • Enoch Jensen • Udi Harpaz | ||
| Duràda: 44 minùt | ||
| Léngua: Ingléś | ||
| Nasiòṅ: Stat Unî | ||
Ucciderei per te (A masarév par tè) l'è na docufiction americàna dal canàł Investigation Discovery ch'la dascór ad fat ad sangṿ sucès dabòṅ mis in òpra da di muróś o di spóś in di cunfrònt dal partner, da vòlti faghénd-as jutàr da di parènt o di amìg, par dal questiòṅ ad geluśìa e 'd arlìa, gint ch'la n s rénd minga cònt che quànd l'è finìda l'è finìda, ch'la n è minga bòna 'd dar-'g a muć e ch'la n capìs briśa quànd l'è óra 'd métar-'s al cōr in paś e na préda insìma parchè 'l amōr, acsè cum al riva, al pōl anc finìr. O sinò śōvan sénsa critèri ch'invéci 'd tgnir adrē a i suo i decìd'n ad far gl'arvèrs e 'd cupàr-i par psēr far qvél ch'a gh pâr.
La série, prudóta par la NBC Universal Television e par la Peacock Productions, l'è vgnuda fóra c'n al tìtul uriginàł ad “I'd Kill for You” mént'r in dal marcâ spagnōl l'è cgnusùda invéci cuma “Mataría por ti”.
Dal prugràma i èṅ stadi giràdi tri stagiòṅ par trénta-dū puntàdi in tut.
In Itàglia la série l'è traśmìsa p'r i canài dal grup Discovery Italia cuma Real Time e Nove.
In dal prugràma i persunàǵ dal stòri i èṅ interpretâ da di atōr e 'l vicéndi i èṅ cuntàdi in vóś da 'l atōr Quinton Flynn e in studi da di parènt o di amìg di prutagunìsta, da di espèrt e da i mémbar dla pulisìa.
A la fiṅ dla puntàda a s vîṅ a savēr anc quàl è stada la punisiòṅ dada da i giùdas p'r al crìmin fat.