C'l artìcol chè 'l è scrit in Carpśàn Emiliàn

Un tlèr a pēś
'Na téca cun di pēś per tèser, diretamèint dal Neolìtic

Al Tlêr a pēś 'l è cal tlêr 'd tesidùra dimòndi artigianêl (o anca sōl per pasèr-'s al tèimp al dè 'd incō), ch'al deśvìn diretamèint da la manéra 'd tèser di nost'r antenê dal Neolìtic, in dû i fîl edl urdî, impichê a 'l élta atàc a 'n bastòun 'riśontêl, e lighê in bas a soquànti prédi śbuśìdi in dal meś, i armàgnen tensionê dal tiramèint a bàs dal lôr pēś. In cla manéra chè, partènd da 'l élta e gnend vers al bas, a dvèinta pusìbil, p'r al tesidōr, ed lavurèr ed navèta na vòlta mis edl órdin in dla sernidùra di fîl edl' urdî in dû mètr-es da meś.

Soquànt tlêr a pēś dal Neolìtic, egl' în 'rivê fìn ai noster dè sól p'r i pēś, catê in di schêv archiulògic anca ind un gran nùmer, send che 'd cl'ètra pert edla strutùra dal tlêr, tùta ed lègn cun di ligàm ed corda o curàma o pèla, a s è pers i rest ed lùng al tèimp.

Vôś lighèdi

Dagli ètri manéri 'd tèser

Culegamèint estèren