The Underground Comedy Movie
|
C'l artìcul chè 'l è scrit in
Miranduléś |
 The Underground Comedy Movie
| ||
 'L Óm-Cas in asiòṅ in na figùra dal film | ||
| La cumèdia underground 1999 | ||
|---|---|---|
| Regìa: Vince Offer | ||
| Scritōr: Vince Offer • Dante | ||
| Atōr: Vince Offer • Barbara Snellenburg • Slash Rebekah Chaney • Karen Black • Brian Van Holt Lightfield Lewis • Ant • Michael Clarke Duncan Joey Buttafuoco • Bobby Lee • Joe Shapiro | ||
| Müsica: Danny Rotter • David Rotter | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
«
Ròbi ch'a n vadrî mai.»
(Tagline dal film)
The Underground Comedy Movie (La cumèdia underground) 'l è na cumèdia ad cretinìśia americàna a epiśòdi dal 1999 ad Vince Offer ch'al l'à anc scrita insém a Dante.
La pelìcula, batśàda cuma una dal più bruti 'd sèmpar, la mét insém dimóndi sketch còmig òṅ adrē a c'l àtar. Girâ c'n un budget ad sincsènt-mila dòlar, al film al 'n à pò fat sù utsènt-sinquantasiē.
Sunt
- Supermodels Taking a Dump - Dū super-mudèli (Barbara Snellenburg e Rebecca Chaney) tòlti śò in un cèso pùblic mént'r i faṅ na fadìga da mat a cagàr di pét dimóndi dûr in un mâr ad scuréśi e ghigni tiràdi.
- Bat Man - Al famóś criminàł Puvéta (Chris Watson), ciamâ acsè parchè al dascór sèmp'r in rima, 'l è decìś a far na rapìna in banca mo al sa śbàlia finénd invéci in dla sēd dna banca dla śbòra. Batti-Man (Vince Offer), cun la sò masa da baseball, al gh cur adrē.
- Boobwatch - Na màdar (Karen Black), in pinsēr par sò fiōl ch'l è sparî in dal mâr, la ciàma in ajùt un bagnèṅ (Brian Van Holt), òṅ ad qvéi dla série televiśìva “Guàrda-Téti”.
- Virgin Hunter - 'N óm mèś mat (Lightfield Lewis) al dà la casa a na śuvnòta biónda (Barbara Snellenburg) ch'l'éra vgnuda in dal sò sit ad tèra par śgranfgnàr un quàlc purtugàl.
- Gay Virgin - Un fnòć purcùs (Ant) al vrév che 'n śugadōr ad bigliàrd pîṅ ad mùscui (Michael Clarke Duncan) al gh dis dū cōlp ma chi lò al gh diś ch'l è vìrgin e ch'al spèta invéci 'l óm giùst.
- I Hate L.A. - Un cantànt (Vince Offer) al carga sù 'n travestî (Jeffrey Jaeger) su la sò màchina scasàda lung al stradi 'd Los Angeles.
- The Godmother - Na madrìna mafióśa (Michael "Wheels" Parisi) la ricév la vìśita 'd 'n óm 'd afâr ciamâ Vinnie (Vince Offer) ch'al gh'à da vénd'r-ag di fêt aburtî p'r i sò risturànt. La dóna l'insìst dimóndi cun Sonny (Joey Buttafuoco) ch'al vaga subìt a tōr di biscutèṅ fat da lē in cà par śibìr-ag quèl da magnàr.
- The Adventures of Dickman - Par salvàr al gèn'r umàṅ a gh'è 'n super-eróe nóṿ, 'l Óm-Cas, ch'a gh pénsa lò a giustàr un grup ad lèśbichi rabìdi (Peachy Keene, Melanie Pullen e Rebecca Chaney). Śburànd-'g adòs la li rénd gravdi visénd anc cun Surìś verticàł e la Lorena Bobbitt e i sò curtlàs.
- Watts Up Talk Show - Un rapper 'd culōr c'n i bigudèṅ in cô, JJ Cool J JJK Cool JK Cool (Vince Offer), al ciàma a dascór'r in dal sò talk show òṅ dal Ku Klux Klan (Morgan Alvet) ma prima che chi lò al pòsa vèrar bóca al gh spara.
- Miss America Bag Lady Pageant - Un cundutōr mèś ciùc (Slash) al preśénta soquànt miss in un cuncōrs ad belésa mo al cuncurènti i èṅ piutòst lòfi.
- Psychology Today - N'atōra dimóndi śò (Zoska Myock) la s vèra c'n un psicòlug (Michael "Wheels" Parisi) cuntànd-ag che 'n prudutōr al gh'iva dâ apuntamènt par na part in un film a cà sua ma pò 'l à tacâ sōl a cavàr-la śò.
- Flirty Harry - Un delinquènt (Tony Vera) al gh'à da védar-'s-la c'n un pulisiòt fnòć in stanèla ciamâ Flirty Harry (Vince Offer).
- Porno Review - Vincenzo Butafungu (Vince Offer) e Spanky Shvatsa (Sam Mactaggert) i faṅ soquànt recensiòṅ ad film pòran.
- Jury Making Right Decision - Al verdét dna giurìa cóntar 'n óm 'n négar. Tut i mémbar dla giurìa ad culōr i al batéśan culpévul, sōl i dū biànc i èṅ da la sò banda.
- Marilyn Monroe - La Marilyn (Gena Lee Nolin) la pasa insìma a la grada dla metrupulitàna par ciapàr dal frésc sóta la stanèla ch'la vōla da tut al bandi ma 'd sóta a gh'è 'n óm (Vince Offer) ch'al tira śò incòśa anc parchè al vènt al 'l à fat lò druànd un ventiladōr.