The Mangler - La macchina infernale
|
C'l artìcul chè 'l è scrit in
Miranduléś |
 The Mangler
| ||
| The Mangler - La macchina infernale | ||
 La Pike e Robert Englund in na figùra dal film | ||
| Al Màngan - La màchina infernàla 1995 | ||
|---|---|---|
| Regìa: Tobe Hooper | ||
| Scritōr: Stephen King • Tobe Hooper | ||
| Atōr: Robert Englund • Ted Levine • Vanessa Pike Jeremy Crutchley • Daniel Matmor • Ashley Hayden Lisa Morris • Todd Jensen • Demetre Phillips | ||
| Müsica: Barrington Pheloung | ||
| Léngua: Ingléś | ||
| Dürä dal film: 106 minüt | ||
| Nasiōṅ: Stat Unî | ||
The Mangler - La macchina infernale (Al Màngan - La màchina infernàla) 'l è 'n film ad scarésa girâ in dal 1995 par Tobe Hooper e 'l è trat da 'n racònt ad Stephen King, Al cumpresōr.
La pelìcula l'à frutâ un migliòṅ e òt a 'l incìrca in di Stat Unî dand vita anc a 'n séguit in dal 2001, The Mangler 2 ad Michael Hamilton-Wright.
Sunt
In un paiśèṅ dal Maine a gh'è na lavandarìa industriàla misa in pē in di prim an dal XX sècul, la Gartley’s Blue Ribbon Laundry purtàda avànti sénsa cōr da 'l padròṅ Bill Gartley (Robert Englund), 'n óm mèś òr'b e sòp, ch'al fà sudàr dimóndi al sò uperàj durànt al giurnàdi ad lavōr. Un dè, quànd la sò anvōda Sherry Ouelette (Vanessa Pike) l'è drē a prilàr na léva 'd un màngan, na màchina druàda par stiràr i vistî e i tisû, par far-al lauràr méj, la s taja sénsa vlér al palmùs dla maṅ pròpria méntar dū óm i èṅ impgnâ a spustàr na giasarōla. I machinàri i s tōś'n incóntar e i partìsan dal scòsi lètrichi.
Più tard l’Adelle Frawley (Vera Blacker), na vècia uperàja, in dal tintatìṿ ad catàr sù soquànti sò madśìni ch'i s éran stramnàdi śò in sal nàstar traspustadōr dal màngan, la finìs intraplàda cun al bras in dla bubìna dla màchina ch'la la tira dèntar spaplànd-la. La Sherry e n'atra sò culéga i próv'n a salvàr-la ma a n gh'è vèrs.
In dal pòst a riva al detective incargâ John Hunton (Ted Levine) par capìr cuś è sucès e lò al pénsa subìt ch'a sia stâ 'n incidènt tràgic anc parchè la màchina la n gh'à minga di difèt. Purtròp però in di dè a vgnir a sa śbraga 'l tub dal vapōr e tri uperàj i s brùśan finénd a 'l uśdàl. Una ad qvisti chè, l’Annette (Ashley Hayden), la cònta che, in na quàlc manéra, 'l éra stâ pròpria al màngan ch'l iva pruâ a cupàr ad prupòśit soquànti parsòni.