Teletubbies
|
C'l artìcol chè 'l è scrit in
Carpśàn |
 Teletubbies
| ||
| Teletubbies | ||
.jpg)
| ||
| Teletubbies 1997 | ||
|---|---|---|
| Avtōr: | ||
| Regìa: | ||
| Senegiadùra: | ||
| Personâǵ: Al Tinky Winky Al Dipsy La Laa-Laa La Po | ||
| Dupiadōr originêl: | ||
| Mùśica: | ||
| Durèda dal progràma: 25 minût | ||
| Lengua: Ingléś | ||
| Nasiòun/Paēś: Régn Unî | ||
.jpg)
I Teletubbies (ciamê acsè anca in itagliàn) egl'ìn di pupâs protagonìsta edla séri TV ch'la porta al stès nom, per putèin dimòndi cìc, mìsa in ònda dala BBC tra 'l 1997 e 'l 2001. Tùt e quàter i Teletubbies egl'ìn impersunê da di atōr vistî cun di custùm ed na stófa colorèda e imbutìda. I gh'àn anc na banda retangolèra sàimper 'd stófa griśa in dla pansa che, ind un sert mumèint edla puntèda, la dvèinta a só volta un schérum dla televiśiòun, ch'al fà vèder di bē filmèin per putèin, cun dagli aventùri da cinèin dimòndi, c'ma p'r eśèimpi di sèlt dàint'r el pósi 'd aqua, o dal brìśi stremnèdi per dèr-i a di nader, e via descurènd.
I Teletubbies i stàn dàint'r in na cà tùta 'd fêr e 'd plàstica, cun di letèin, na tèvla e dal scrani c'ma ch'i fùsen ind un tèimp futûr, cun di tûb, dal lûś e di ptòun ch'i par'rèven cmandèr dal funsiòun edla cà. Fóra dala porta, i Teletubbies i vàn in dal giardèin in dû i s caten anca dimòndi cunìi drē a magnèr dl'èrba. Despès i Teletubbies i tàch'n a dìr:"Tante coccole, tante coccole" màinter ch'i s brasen, e "Ciao ciao, ciao ciao", quand i salùt'n al public di putèin.
I protagonìsta dal fóli
- Al Tinky Winky 'l è al pupâs viōla, al più grand ed tùt chi èter, ch'al gira cun na bursèta 'd pèla ròsa, e al gh'à in sìm'a la sùca, n'antèna a forma 'd triàngol.
- Al Dipsy 'l è al pupâs verdèin, màsć, cun n'antèna drìta in sù in sìm'a la testa, e 'n capêl a forma 'd silìnder ch'al s incàstra a la perfesiòun adôs a l'antèna.
- La Laa-Laa l'è na pupàsa śala, cun n'antèna in sìm'a la testa a forma 'd rìs ch'al và in sù, e na grósa bòcia aràns sèimper sēg per śughèr-eg.
- La Po l'è la pupàsa più cica 'd tùt chi èter, cun n'antenàina a forma 'd sérć in sìm'ala sùca, e 'n monopàtin sàimper sēg per śughèr-eg.
- Al Noo-Noo 'l è 'n aspirapólver, ch'al gira per cà per fèr el pulisìi, e però na quelc volta al tōś sù per śbàli anch i tubbytoast, a dìr al magnèr di Teletubbies.
- Al sōl drē a rìder 'l è 'n sōl ch'al gh'à però la ghìgna 'd na putinèina cichìna ch'la rìd dimòndi cuntàinta.
Vōś lighèdi
Èter progêt
Wikiquote contiene citazioni di o su Teletubbies
Wikimedia Commons contiene file multimediali su Teletubbies
Colegamèint estèren
- (EN) Al sit dla BBC cun di śōg e dal tiritéri.
- (EN) Quèl ch'a sucéd drē 'l quinti.