Tanabûś
|
C'l artìcol chè 'l è scrit in
Carpśàn |
Al tanabûś, o arpundèin, o śgabusèin (ripostiglio in itagliàṅ) 'l è cl ambînt dla cà indû, despès trôp cìc e òreb per stèr-egh, a s egh pógia dla ròba ch'a nn'es sà indû mèter, ch'i sìen dal schèrpi vèci, di vetrìl, di strâs, di lavōr vêć o dal malgarèini, e via discurènd.
Despès i tanabûś i s caten a piàn tèra, mo a gh'in prèv èser anca ûn cìc dàint'r in dl apartamèint.
A diferàinsa dagli ètri cambri, p'r i tanabûś a n'gh'è minga 'l òblig 'd avér-eg dal fnèstri ma invéci 'l è ubligatòri per tuti 'l cà nóvi 'd avér-'gh-en almànc ûn.
Manéri 'd dìr
- (EGL) Sa prèv ès'r-egh in cal tanabûś là? (IT) Cosa potrebbe esserci in quel ripostiglio?
- (BLG) In cà mî ai é un tanabûṡ pén ed zangâtel[1], (IT) In casa mia c'è un ripostiglio pieno di cianfrusaglie.
Referèinsi
Èter progêt
Wikimedia Commons contiene file multimediali su Tanabûś
Wikizionario contiene la voce di dizionario «Tanabûś»
