Stucólma
|
C'l artìcul chè 'l è scrit in
Miranduléś |
Stucólma (Stockholm in Śvedéś, a s lèś [ˈstɔkːɔlm] o anc [ˈstɔkˈhɔlm]) l'è la capitàla dla Śvèsia (da 'l 1523) e l'è cgnusùda anc cuma la „Venèsia dal Nòrd“ parchè la sa śvilùpa su quatórd'ś ìśuli.
La gh'à quatórdas circuscrisiòṅ, nuvsènt-quatórdas-mila abitànt e la s cata su 'l Mâr Bàltic. La sò àrea metrupulitàna, ciamàda Storstockholm (Stucólma Granda), la tira dèntar vint-siē cumùṅ in tut faghénd sù da piò ad dū migliòṅ e dū 'd abitànt.
La sità la pōl cuntàr su dū sit patrimòni dl'umanità par 'l UNESCO: al “castèl ad Drottningholm” e 'l campsànt sud ciamâ “Skogskyrkogården” (al Simitèri dal bòsc). In di sècui XVIII e XIX l'à patî dimóndi inséndi tant che pò l'è stada tiràda sù druànd da spés dla préda invéci che dal légn.
'D Istâ la gh'à i sò méś più cald parchè durànd al dè da Śugn a Agóst la riva a vint/vint-a-dū grâd. Invéci i méś più fréd i èṅ Śnar e Favràr in dua, in mèdia, a s pōl rivàr ad nòt a sinc sóta śèr.
'L 85% dla gint ad Stucólma la lavóra in dal tersiàri. La sò sìndiga, da 'l 2014, l'è la Karin Wanngård dal partî suciàł-demucràtic di lavuradōr.
Persunàǵ ligâ a Stucólma
- Bibi Andersson, atōra
- Ingrid Bergman, atōra
- Greta Garbo, atōra
- Dolph Lundgren, atōr
- Alexander Skarsgård, atōr
- Lasse Hallström, regìsta
- Yngwie Malmsteen, chitarìsta
- Neneh Cherry, cantànta
- Benny Andersson, sunadōr di ABBA
- Mic Michaeli, tasterìsta di Europe
- John Levén, basìsta di Europe
- Alfred Nobel, chìmig e filàntrup
- Olof Palme, pulìtig
- Björn Borg, tenìsta
- Carl IX ad Śvèsia, rè
- Carl XVI Gustâṿ ad Śvèsia, rè
- Lennart Johansson, èx presidènt dl'UEFA